Aduna bay "Apostolic Succession"

    Ang mga modernong mga tinohoan nagbutang o nag-adaptar sa “apostolic succession” aron sa pagpatoo nga sila mao ang matoud nga Iglesia. Apan diha basa “apostolic succession” maila nga Iglesia. Apan diha ba sa “apostolic succession” maila ang matoud? Ang Biblia motug-an kanato nga ang nagbuhat o nag-adaptar sa maong ediya mao hinooy pag-ila sa dili matoud nga Iglesia.

MGA PANGUTANA

Pangutana
#400. Kinsa ang mga ngalan sa napulo ug duha ka mga apostoles?
Tubag:
    Mateo 10:2-4 - (isa-isaha ug basa ang ilang pangalan)

Pangutana
#401. Kinsa ang nagpili kanila?
Tubag:
    Lucas 6:13 - Si Ginoong Jesus ang nagpili kanila

Pangutana
#402. Sa wala pa Niya pili-a, unsa ang gibuhat ni Cristo?
Tubag:
    Lucas 6:12 - miadto sa bukid sa pag-ampo; ug didto nagampo siya sa Dios sa tibook gabii.

Pangutana
#403. Unsa ang gikatagana nang daan nga ilang bulohaton sa panahon nga umalabut?
Tubag:
    Mateo 19:28 - Magalingkod sila sa 12 ka trono ug magahukom sa 12 ka banay sa Israel.

Pangutana
#404 Kay magalingkod man sila sa napulog duha ka mga trono ug nagahukom sa napulog duha ka mga banay ni Israel, sa naghikog ni Judas kinsa ang gipuli?
Tubag:
    Buhat 1:26 - Si Matias

Pangutana
#405. Nganong nahitabo man gayud kini?
Tubag:
    Salmo 69:25 - Himoa nga ang ilang puloy-anan mabiniyaan; Ayaw itugot nga may magapuyo sa ilang mga balongbalong.
    Salmo 109:8 - Pagapahamob-a ang iyang mga adlaw; Ug lain ang pakuhaa sa iyang katungdanan.
    Buhat 1:20 - Pagahuboan ang iyang puloy-anan, ug walay magpuyo kaniya; ug lain ang magkuha sa iyang katungdanan.

PAGPAHAYAG:
    Kung wala sila magpili sa ihulip, nahimong mapakyas ang Biblia. Busa ang Espiritu Santo naggiya aron dili mabakanti ang 12 ka mga trono nga ilang pagalingkuran sa panahon sa milenio o sa panahon sa pagbag-o.

Pangutana
#406. Asa sila nagkuha ug ipuli kang Judas?
Tubag:
    Buhat 1:21, 22 - Tawo nga ginakauban nato sa tanang panahon sa pagsulod ug paggula ni Ginoong Jesus sa atong kinataliwad-an.

PAGPAHAYAG:
    Atong timan-an nga ang tawo nga gipuli magagikan sa mga tawo nga giingon: “mga tawo nga ginakauban nato sa tanang panahon sa pagsulod ug paggula sa Ginoong Jesus sa atong kinataliwad-an, gikan pa sa bautismo ni Juan hangtud niadtong adlaw nga gibayaw siya gikan kanato. “Dinhi niining mga tawohana sila magakuha ug himoon nga kauban nga saksi sa Iyang pagkabanhaw. Busa atong masabut nga wala nay tawo nga buhi karon nga mahimong ipuli-puli aron nga adunay “apostolic succession.”

Pangutana
#407. Sa nagpadayon ang ihap nga napulog-duha ka mga apostoles, kinsa ang sunod nga namatay?
Tubag:
    Buhat 12:1, 2 - Si Jacobo.

PAGPAHAYAG:
    Dinhi mohatag ug konklosyon ang mga nag-adaptar sa pagtolon-ang “apostolic succession” nga ang gipuli sa pagkamatay ni Jacobo mao kono si apostol Pablo. Halayo ra kaayo kini sa tinoud, tungod kay walay texto nga mosuportar bahin niini.

Pangutana
#408. Kay namatay na man si Jacobo o Santiago nga igsoon ni Juan, aduna bay texto nga gihulipan ug ipakuha na pud sa lain ang iyang katungdanan?
Tubag:
    Buhat 13:2, 3 - Oo. Si Bernabe ug si Saulo

PAGPAHAYAG:
    Ang kapitulo 12 sa mga Buhat gipatay si Jacobo. Dinhi sa Kapitolo 13 atong nahibaloan nga gipandungan si Bernabe ug si Saulo. Ang tuyo nila nga nagkatigum, dili tuyo nga aron mahulipan ang bakanteng posisyon ni Santiago. Gipandungan sila aron palakwon sa buhat.

Pangutana
#409. Unsa ang papel nila ngano nga gipili sila nga mahimong mga apostoles?
Tubag:
    I Corinto 4:9 - Kay gihimo kami nga talan-awon alang sa kalibutan, sa mga manolonda ug sa mga tawo usab.

Pangutana
#410. Kay mga apostoles man sila nga ulahi sa tanan, kung pananglit may motungha o maghimong apostoles, unsa ang pag-ila ni apostol Pablo kanila?
Tubag:
    II Corinto 11:12, 13 - Kay kana sila mga bakakon nga mga apostoles, mga mamumuo nga malimbongon nga nagpakaapostoles ni Cristo.

Pangutana
#411. Kay giila man niya ang mga apostoles nga bakakon, didto lang ba sa Corinto kini nahitabo? 
Tubag:
    Bugna 2:1, 2 - Iglesia sa Efeso.

Pangutana
#412. Kay adunay may nagpaka-apostoles didto sa Efeso, napakyas ba ang gipasidaan ni Pablo kanhi kanila?
Tubag:
    Buhat 20:17, 18, 28, 30 - Pagasudlon kamo sa mga lobo nga mabangis nga dili nila pasayloon ang panon. Manindog ang mga tawo nga magasulti ug mga butang nga balit-ad.

PAGPAHAYAG:
    Dinhi niini maila nato nga wala gayud mapakyas ang nahitabo sa Iglesia sa Efeso. Ang manindog nga mga tawo magsultig butang balit-ad. Ang gitudlo nila ni Pablo nga sila mao ang mga apostoles nga ulahi sa tanan; gibalit-ad kay ila mang gipadayon nga nag-awat nga pagatawgon sila nga mga apostoles.

Pangutana
#413. Unsa man ang mga ilhanan sa usa ka apostol?
Tubag:
    II Corinto 12:12 - Pinaagi sa mga ilhanan, ug mga kahibulongan ug mga gamhanang buhat. 

Pangutana
#414. Ang dili apostol makaawat ba usab sa pagpakita ug mga milagro?
Tubag:
    Mateo 24:24 - Oo. Magpakita pod ug dagkong mga ilhanan ug katingalahan aron sa paglimbong.

Pangutana
#415. Ingon nga ang Ginoo mao may nagtawag sa napulogduha ka mga apostoles, asa ang misyon nila, ug asa usab ang kang Pablo ug Bernabe?
Tubag:
    Galacia 2:8, 9 - Ang 12 ka apostoles sa Israel apan sila si Pablo ug Bernabe ngadto sa kahentilan.

Pangutana
#416. Mao ba kini ang gitugon sa Ginoo sa napulog-duha ka mga apostoles?
Tubag:
    Mateo 10:5, 6 - Dili kamo maglakaw sa dalan sa mga Gentil, ug dili kamo magsulod sa lungsod sa mga Samariahanon; kondili umadto kamo una sa mga carnero nga nanggawala sa balay sa Israel.

Pangutana
#417. Nganung didto man sila sa mga nangawalang carnero sa balay ni Israel?
Tubag:
    Lucas 11:49 - kay mao ang saad sa Dios nga iyang padad-an sila ug mga manalagna ug mga apostoles.

Pangutana
#418. Ingon nga ang napulo ug duha didto man lang sa mga may circuncicion o mga Judio, kinsa ang gitawag sa Ginoo aron mahimong apostol ngadto sa mga walay circuncisyon o mga Gentil? 
Tubag:
    I Timoteo 2:7 - Tungod niini gitudlo ako nga magwawali ug apostol, nga usa ka magtutudlo sa mga Gentil.

Pangutana
#419. Kinsa ang usa sa mga kauban ni Pablo sa pagkaapostol nga magwawali ngari sa mga Gentil?
Tubag:
    Buhat 13:2 - Bernabe ug si Saulo.

Pangutana
#420. Kay ang uban sa mga apostoles pagapatyon ug pagalutoson man sumala sa giingon sa Ginoo, sa pagkabanhaw nila, alang sa kang kinsa sila pahugyawon?
Tubag:
    Bugna 18:20 - Alang “kaniya”

Pangutana
#421. Kinsa kining “kaniya” nga gihukman sa Dios diin mohugyaw ang mga binanhaw?
Tubag:
    Bugna 18:21 - Ang Babilonia

PAGPAHAYAG:
    Ang paghulip-hulip ug mga apostoles dili na makatugot ang Balaang Kasulatan tungod kay, nangamatay na man ang mga tawo nga gikauban ni Ginoong Jesus gikan sa pagbautismo ni Juan hangtud sa pagbayaw Kaniya ngadto sa langit.