Aduna bay pagkabanhaw?

    Ang uban miingon: “Walay pagkabanhaw.” Ang uban usab nagtoo nga ming-agi na. Unsa man ang giingon sa Biblia? Aduna ba gayoy pagkabanhaw? Sunda ang mga “Pangutana ug Tubag” sa pagsusi niini. Ang basahon: “Ang Mahimayaong paglalin sa Mga Balaan” makatabang niini nga pagtoon.

MGA PANGUTANA

Pangutana
#316. Dinhi sa Bag-ong Tugon unsa nga pundok ang wala magtoo nga adunay pagkabanhaw?
Tubag:
    Mateo 22:23 - Ang pundok nga mga Saduceo.

Pangutana
#317. Aduna bay mga tawo nga nanagtudlo usab nga miagi na ang pagkabanhaw?
Tubag:
    2 Timoteo 2:17, 18 - Oo si Himeneo ug Fileto.

Pangutana
#318. Alang kang Pablo, unsa man ang iyang giwali mahitungod niini?
Tubag:
    Buhat 17:18 - Giwali niya ang pagkabanhaw

Pangutana
#319. Unsa man ang labing mahinungdanong pangutana ni Job ngadto sa Dios, kung ang tawo mamatay?
Tubag:
    Job 14:14 - mabuhi ba siya pag-usab?

Pangutana
#320. Sa Bag-ong Tugon, sa namatay si Lazaro, unsa ang giingon ni Ginoong Jesus kang Marta? 
Tubag:
    Juan 11:25 - Ako mao ang pagkabanhaw.

Pangutana
#321. Ang tanang tawo nga mamatay, matarung ug dili matarung aduna bay pagkabanhaw? 
Tubag:
    Juan 5:28, 29 - Tanan nga anaa sa mga lubnganan mabanhaw gayud

PAGPAHAYAG:
    Busa tin-aw nga gipahayag ni Ginoong Jesus nga diha Kaniya ang tanan mangabuhi. Dili malalis usab nga ang dili-matarung aduna usab ing pagkabanhaw. Basaha usab ang Buhat 24:15.

Pangutana
#322. Tungod kay aduna may pagkabanhaw sa matarung ug dili-matarung, kanus-a man mahitabo ang pagkabanhaw sa mga matarung?
Tubag:
    I Corinto 15:23 - Inig-abut ni Ginoong Jesus

Pangutana
#323. Alang sa mga matarung nga pagabanhawon sa pagabut ni Cristo, unsa man ang mahitabo sa ilang lawas nga madunoton?
Tubag:
    I Corinto 15:51, 52 - Pagabangonon nga mga dili madunoton.

Pangutana
#324. Sa diha nga maalid-an na ang atong lawas sa dili madunoton, asa kini gipanig-ingon?
Tubag:
    Job 33:25 - sama sa panahon sa pagkabatan-on

Pangutana
#325. Human mabanhaw ang mga matarung ug malid-an ang ilang lawas nga dili na madunoton ug sa lawas nga wala nay kamatayon, asa man mosugat ang mga matarung sa Ginoo?
Tubag:
    1 Tesalonica 4:16, 17 - Pagalalinun diha sa kapanganuran

PAGPAHAYAG:
    Dinhi atong nasayran ang hingpit nga kamatouran nga ang mga matarung pagabanhawon sa pag-abut sa Ginoo.

Pangutana
#326. Kanus-a man pagabanhawon ang uban nga nangamatay nga wala makaambit sa nahaunang pagkabanhaw?
Tubag:
    Bugna 20:5 - Dili sila mabuhi pag-usab hangtud nga matuman ang usa ka libo ka tuig.

PAGPAHAYAG:
    Ang gipadayag sa maong bersikulo nga ang pagkabanhaw sa uban nga wala makaambit sa nahaunang pagkabanhaw, mahitabo human sa usa ka libo ka tuig.