Anaa nang daan si Cristo sa wala pa ang kalibutan

    Ang bata nga si Jesus gianak pinaagi ni Maria didto sa Bethlehem sa Judea. Dinhi ba nagsugod ang Iyang pagkaanaa? Oo, Sa tawhanong kinabuhi. Apan sa wala pa Siya niining kahimtanga, Anaa na ba Siya sa wala pa ang kalibutan? Ang Biblia motug-an ning gikalibugan sukad pa kaniadto.

MGA PANGUTANA

Pangutana
#469. Aduna bay pagpamatoud si Ginoong Jesus sa Iyang pagkaanaa nang daan?
Tubag:
    Juan 17:5 - Oo, kay nabatonan na niyang daan ang kahimayaan sa wala pa ang kalibutan.

Pangutana
#470. Si Cristo ba ang kauban sa Dios pagbuhat sa tanang butang?
Tubag:
    Proverbio 8:22-30 - Sa wala pa ang yuta, didto na ako, ako didto tupad kaniya, ingon sa usa ka batid nga magbubuhat.

Pangutana
#471. Unsa man ang kamatouran nga si Cristo gayud ang kauban sa Dios pagbuhat sa kalibutan?
Tubag:
    Juan 1:1, 2 - Sa sinugdan kauban sa Dios.
    Efeso 3:9 - Sa mga katuigan natago diha sa Dios nga nagbuhat sa tanang mga butang pinaagi kang Jesucristo.
    Colosas 1:16 - Kay diha kaniya gibuhat ang tanang mga butang sa mga langit ug ang ania sa yuta, pinaagi kaniya ug alang kaniya.

Pangutana
#472. Sa wala pa si Abraham, Anaa na ba si Cristo?
Tubag:
    Juan 8:58 - Sa wala pa si Abraham, mao na ako.

Pangutana
#473. Kay si Cristo una pa sa tanan nga mga binuhat, asa man Siya gipahamutang kaniadto?
Tubag:
    Proverbio 8:23 - Ako gipahamutang sa itaas gikan pa sa walay katapusan, sukad sa sinugdan, Sa wala pa ang yuta.

Pangutana
#474. Kay gipahamutang man si Cristo sa itaas, sa dihang gisugo Siya sa Amahan dinhi sa yuta, nagsulti ba Siya nga Siya nanaug gikan sa langit?
Tubag:
    Juan 6:38 - “Kay nanaug ako gikan sa langit.”
    Juan 3:13 - “kondili ang Anak sa tawo nga nanaug”

Pangutana
#475. Sa wala pa manaug si Cristo gikan sa langit, unsa man ang Iyang kahimtang?|
Tubag:
    Filipos 2:5-8 - Nagalungtad Siya sa pagkasama sa Dios 

Pangutana
#476. Unsa ang paagi sa Amahan aron ang Iyang anak mapadala sa kalibutan?:
Tubag:
    Galacia 4:4 - Gipakatawo pinaagi sa usa ka babaye

Pangutana
#477. Aduna bay pagpamatoud si Cristo nga siya dili taga dinhi niining kalibutana?
Tubag:
    Juan 8:23 - “Ako dili taga-dinhi niining kalibutana.”

PAGTAPUS:
    Busa dinhi nga pagtoon atong nahibaloan nga ang Anak anaa na daan sa wala pa ang kalibutan, tungod kay pinaagi Kaniya gibuhat ang tanang mga butang.