Ang mga basahon gikaylap sa pagwagtang sa Adlawng Igpapahulay. Kasagaraan gihimo ang pangatarungan nga ang Adlawng Igpapahulay, matud pa, iya lamang sa mga Judio. Ang maong pangatarungan nga gihatag, gipalusad ang usa ka panghuna-huna nga ang mga Gentil nga kinabig sa pagka kristohanon, walay kalabutan sa pagbanta sa Adlawng Igpapahulay. Tinoud ba kini? O ediya lamang kini sa tawo.
MGA PANGUTANA
Pangutana
#252. Anus-a nagsugod ang Adlawng Igpapahulay?
Tubag:
Genesis 2:2, 3 - Sa Adlaw’ng ikapito natapus sa Dios ang tanan niyang buhat ug mipahulay Siya.
Pangutana
#253. Ikapila ka sugo kining pagbantay sa Adlawng Igpapahulay?
Tubag:
Ikaupat ka sugo
Pangutana
#254. Gisugo ba sa Dios nga pagabantayan kini sa tawo sa wala pa ang Napulo ka mga Sugo?
Tubag:
Exodo 16:26 - Oo, sa ika-pitong adlaw mao ang Igpapahulay
Pangutana
#255. Nagtuman ba sila sa gisugo kanila?
Tubag:
Exodo 16:27, 28 - Nanagdumili sila
Pangutana
#256. Kining mga sugo ug mga tulomanon kinsa ang nagbantay niini sa wala pa mangatawo ang mga anak sa Israel?
Tubag:
Genesis 26:5 - Si Abraham ang nagabantay niini.
PAGPAHAYAG:
Ang paglapas sa mga Anak sa Israel sa Adlawng Igpapahulay, ginabadlong sila sa Ginoo sa pag-ingon: “Hangtud ba anus-a nga
Pangutana
#257. Kining Adlawng Igopapahulay, iya ba kini sa mga Judio?
Tubag:
Ezequiel 20:12, 20 - Iya kini sa Dios alang sa Iyang katawhan
PAGPAHAYAG:
Ang pagbantay sa Adlawng Igpapahulay nagpaila nga kini maoy usa ka paagi nga mailhan kita nga katawohan sa Dios ug ang Iyang katawohan makaila usab Kaniya nga matoud nga Dios. Nagpasabut nga ang wala magbantay niini, wala makaila Kaniya.
Pangutana
#258. Tungod kay ang katawohan Israel gihatagan man sa maong Adlawng Igpapahulay, tinoud ba gayud nga sila adunay matoud nga Dios?
Tubag:
Roma 9:4, 5 - Pag-alagad sa Dios.
Pangutana
#259. Ang mga Gentil nga wala magbantay sa Adlawng Igpapahulay aduna ba silay matoud nga Dios?
Tubag:
Efeso 2:12 - Nga kamo mga walay paglaum ug mga walay Dios.
Pangutana
#260. Unsay madangatan sa tawo kung magbantay sa Adlawng Igpapahulay?
Tubag:
Isaias 56:2- Mabulahan gayud
Pangutana
#261. Kung maglapas unsa man usab?
Tubag:
Nehemias 13:17, 18 - Kadautan nga butang kining inyong gibuhat, ug gilapas ang adlaw nga igpapahulay?, kadautan sa ibabaw kanato, nagdala pa gayud ug daghang kaligutgut.
Pangutana
#262. Tungod kay ang katawohang Israel wala man magtuman sa pagbantay sa Adlawng Igpapahulay (Ezequiel 20:24), unsa ang silot nga gihatag kanila?
Tubag:
Ezequiel 20:25 - Gitagaan sila kabalaoran nga dili maayo
Pangutana
#263. Kining silot nga kabalaoran ug mga tulomanon nga dili maayo, nagapadayon ba kini? Unsa ang gitagana niini?
Tubag:
Oseas 2:11 - Pahunongon ra usab sa Ginoo.
PAGPAHAYAG:
Atong matngonan nga ang mga “Adlawng Igpapahulay” nga gihisgutan niini nga bersikulo, kini lahi sa gihisgutan sa Ezequiel 20:12, 20, tungod sa pulong: “Akong mga Adlawng Igpapahulay,” samtang ang Oseas 2:11, naghisgut: “Iyang mga Adlawng Igpapahulay.” Kini mao ang gitapus o gipatuman hangtud moabut ang kaliwat nga mao si Cristo (Galacia 3:19).
Pangutana
#264. Tungod kay gitapus man ang mga igpapahulay nga iya sa katawohang Israel pinaagi sa pagpakamatay ni Cristo, Giunsa, kini pagsaysay ni apostol Pablo sa iyang sulat ngadto sa mga taga-Colosas?
Tubag:
Colosas 2:14 - Gikuha na diay pinaagi sa paglansang sa cruz.
Pangutana
#265. Giunsa usab niya pagsaysay kini ngadto sa mga taga-Efeso?
Tubag:
Efeso 2:15 - Gipala niya, ang Balaod sa mga Kasugoan nga nagsakup sa mga tulomanon.
PAGPAHAYAG:
Kini nga mga tulomanon ug mga kabalaoran mao kadtong gihisgutan sa Ezequiel 20:25.
Pangutana
#266. Kay gitapus man ni Cristo ang mga Adlawng Igpapahulay nga iya sa katawohanng Israel, Aduna pa bay nahabilin nga Igpapahulay?
Tubag:
Hebreohanon 4:4,9 - Oo, Nagpabilin pa ang Usa nalang ka igpapahulay nga mao ang ika-pitong Adlaw.
Pangutana
#267. Kining Adlawng Igpapahulay nga gihisgutan dinhi sa nagsulat sa basahon sa Hebreohanon, unsa ang iyang gipasabut?
Tubag:
Hebreohanon 4:10 - Kapahulayan kini sa Dios, moundang man usab sa iyang mga pagpamuhat.
Pangutana
#268. Kay ang mahisulod moundang man diay sa magpamuhat, anus-a man diay mipahulay ang Dios sa panahon sa Iyang paglalang sa uniberso?
Tubag:
Hebreohanon 4:4 - Ug ang Dios mipahulay sa tanan niyang mga bulohaton sa ikapito ka adlaw.
Pangutana
#269. Unsa man ang imbitasyon sa nagsulat sa basahon sa Hebreohanon mahitungod kanato?
Tubag:
Hebreohanon 4:11 - Busa maninguha kita sa pagsulod niana nga kapahulayan.
PAGPAHAYAG:
Ang gipasabut sa nagsulat sa Hebreohanon nga aron dili mahimong “panig-ingnan sa pagkamasukihon” mao kadtong pagkamasukihon sa mga anak sa Israel nga wala sila mag sa Iyang Adlawng Igpapahulay (Exodo 16:26, 28).
Pangutana
#270. Ang pagbantay ba niining Adlawng Igpapahulay nagpadayon bisan human sa kamatayon sa Ginoo?
Tubag:
Lucas 23:56 - Oo, kay bisan ang iyang tinun-an namahuway
PAGPAHAYAG:
Ang mga tawo nga buot o naninguha sa pagwagtang sa Adlawng Igpapahulay wala silay supak nga kini pagabantayan sa mga katawohan sa Dios sa Daang Tugon. Matud nila, dinhi sa Bag-ong Tugon, ang Adlawng Igpapahulay mao na ang nahaunang adlaw sa semana.
Pangutana
#271. Ang Bag-ong Tugon unsa ang giisip nga Adlawng Igpapahulay?
Tubag:
Mateo 28:1 - Ang Igpapahulay maoy gisundan sa Unang Adlaw sa Semana.
PAGPAHAYAG:
Kini atong masabut nga ang nahaunang adlaw sa semana dili mao ang Adlaw nga Igpapahulay kundili mao ang adlaw nga sunod sa Adlaw nga Igpapahulay.
Pangutana
#272. Gibantayan ba usab kini ni Apostol Pablo?
Tubag:
Buhat 18:4 - Oo, kay nangatarungan pa gani siya didto sa sinagoga sa tanang Adlaw’ng Igpapahulay.
Pangutana
#273. Kining pagdani niya sa mga Judio, kini ba mao nga dili na sila pabantayon sa Adlaw’ng Igpapahulay?
Tubag:
Buhat 18:5 - Dili. kondili iyang gidani sila pagtuo kang Jesus
PAGPAHAYAG:
Usahay ang Buhat 18:4 maoy gigamit aron sa pagproyba nga gidani kono ni Pablo ang mga Judio sa dili na pagbantay sa Adlawng Igpapahulay, apan walay texto nga mosuportar
nga nagdani kanila si Pablo sa dili na pagbantay. Hinoon ang atong nahibaloan sa iyang tanang mga pagpanaw sa pagwali sa Maayong Balita, iyang gidani ang mga Judio nga si Jesus mao ang Cristo (Buhat 17:3)
Pangutana
#274. Asa ang laing higayon nga giwali niya si Ginoong Jesus ngadto sa mga Judio ug mga Gentil?
Tubag:
Buhat 13:14, 16, 23 - sa Antioquia o sa lugar sa kahentilan
Pangutana
#275. Unsa ang resulta niini nga pagwali, ug unsa ang ilang gihangyo kaniya?
Tubag:
Buhat 13:42, 43 - Nakakabig sila ug daghan ug minunot sa pagsimba uban kang Pablo ug Bernabe.
PAGPAHAYAG:
Dinhi niini wala mag-agda si Pablo nga pabalhinon sila ug adlaw sa ilang pagsimba. Hinoon ang bersikulo 44 nagpahayag kanato nga gisugilon kanila pag-usab ang maong topiko nga gisulti ni Pablo kanila. Ug kini mahitungod kang Ginoong Jesu-cristo nga manluluwas. Busa ang Adlawng Igpapahulay gipadayon pagbantay sa mga katawohan sa Dios bisan hangtud sa human sa kamatayon sa Ginoo.
Comments
Post a Comment