Ang Balaang Panihapon sa Ginoo

    Hapit ang tanan, o tingali, ang tanan nga mga Cristohanong mga pundok , naghimo sa “Balaang Panihapon.” Ang uban naghimo niini sa matag semana; matag bulan; matag tremestre; ug ang uban  matag tuig sa bisan unsa lamang nga mga petsa. Apan unsa man ang gitudlo sa Biblia bahin niini? 

    Sunda ang mga mosunod nga mga pangutana.

MGA PANGUTANA

Pangutana
#276. Kanus-a ba nagsugod ang pagsaulog sa Balaang Panihapon sa Ginoo?
Tubag: 
    Mateo 26:19, 20, 26 - Human sa naandan nga panihapon
    Marcos 14:16, 17, 22 - sa Hapon paingon gabii

Pangutana
#277. Unsa man kining Pasko ug anus-a kini gisaulog sa mga Judio sumala sa ilang tulomanon?
Tubag: 
    Exodo 12:14 - Saulogon nila ingon nga Fiesta ni Jehova.

Pangutana
#278. Nahibalo ba ang mga nasud bahin sa mga tulomanon ug mga kabalaoran sa Israel?
Tubag: 
    Salmo 147:19, 20 - Ug mahitungod sa iyang mga tulumanon, sila wala manghibalo niana.

Pangutana
#279. Unsa man ang gihimo sa atong Ginoo sa gabii samtang nagasaulog ug nangaon sila sa Pasko?
Tubag: 
    Mateo 26:26-28 - mikuha ug tinapay ug gitipiktipik ug gipanalanginan ug nangaon sila. ug sa maong pagkaagi mikuha usab ug vino ug nanginom sila.

Pangutana
#280. Kining gihimo sa atong Ginoo nga pagtipik-tipik sa tinapay ug pagpasalamat sa copa; nadawat ba usab kini niapostol Pablo nga tulomanon nga iya usab nga gihatag ngadto sa mga taga-Corinto?
Tubag: 
    I Corinto 11:23 - Kay gidawat ko gikan sa Ginoo ang gihatag ko usab kaninyo: nga ang Ginoong Jesus, sa gabii nga gitugyan siya, mikuha ug tinapay.

Pangutana
#281. Alang sa unsang katuyoan ang pagsaulog nato niini nga tulomanon?
Tubag: 
    I Corinto 11:24-26 - Buhaton ninyo kini sa handumnanan nako, buhaton ninyo kini, satanan nga paginum ninyo niini, sa handumanan nako, ang kamatayon sa Ginoo ginamantala ninyo hangtud nga moanhi siya.
    I Corinto 10:16, 17 - Mao ang usa ka pagpakig-ambit sa dugo ni Cristo?, mao ang usa ka pagpakig-ambit sa lawas ni Cristo?, kitang tanan nagapakig-ambit niadtong usa ka tinapay.
    Juan 6:53, 53 - Gawas kung kamo mokaun sa unod sa Anak sa tawo ug moinom sa iyang dugo, wala kamoy kinabuhi diha kaninyo, Ang mokaun sa akong unod ug muinom sa akong dugo may kinabuhi nga walay katapusan, ug ako magabanhaw kaniya sa katapusan nga adlaw.

Pangutana
#282. Mudawat ba ang pagsaulog niini nga tulomanon diha sa lainlaing mga pundok sa mga tinohoan nga nagsaulog usab niini?
Tubag: 
    I Corinto 10:20, 21 - Ug dili ako bout unta nga mag-umalambit kamo sa mga yawa. Kamo dili arang makainum sa copa sa Ginoo, ug sa tagayan sa mga yawa: kamo dili arang makaambit sa lamesa sa Ginoo, ug sa lamesa sa mga yawa.

Pangutana
#283. Nganung gikinahanglan pa ang pagsusi sa atong kaugalingon sa diha nga magpakig-ambit kita sa lawas ug dugo ni Ginoong Jesucristo?
Tubag: 
    I Corinto 11:27, 29 - bisan kinsa nga mokaon niining tinapay, kun muinom niining copa sa Ginoo, sa paagi nga dili takus, magamalapason sa lawas ug sa dugo sa Ginoo.  Kay ang mukaon ug muinom nga dili-takus, nagakaon ug nagainom sa hukom sa iyang kaugalingon, kung wala niya paggahina ang lawas sa Ginoo.

Pangutana
#284. Gitugot ba ang pagsaulog niini sa dili natudlong panahon?
Tubag: 
    Deutronomio 16:1 - Saulogon mo ang bulan sa Abib, ug bantayi ang pasko alang kang Jehova nga imong Dios.
    I Timoteo 2:6 - Ang pagpamatoud pagahimoun sa iyang nagakaigo nga panahon.

Pangutana
#285. Unsa man ang malapas kung ugaling dili kita mosaulog niini?
Tubag: 
    I Corinto 11:24-26 - malapas niya ang pagsaulog sa paghinumdom kang Cristo.

PAGPAHAYAG: 
    Malapas nato ang iyang gisugo (Lucas 6:46).

Pangutana
#286. Hangtud kanus-a kita magasaulog niining tulomanona?
Tubag: 
    I Corinto 11:26  - Hangtud sa pagbalik ni Cristo

PAGPAHAYAG:
    Dinhi atong nahibaloan nga kini nga tulomanon maoy usa ka handumanan sa kamatayon sa Ginoo sa paghaw-as niya kanato gikan sa pagkaulipon sa sala. Sa Daang Tugon makausa ra kini sauloga nga handumanan sa paghaw-as kanila sa Ginoo sa pagkaulipon sa Egipto. Kini ang hinungdan nga kas-a ra usab nato saulogon kini.