Ang Bautismo

    Dili ikalimod, ang Balaang Kasulatan naghisgut nga kinahanglan gayud nga ang tawo magpabautismo. Apan nganong magpabautismo man gayud? 

    Kinsa man ang mohimo niini sa maong pagpamautismo? Unsa man ang anaa sa hunahuna sa Ginoo sa Iyang pag-ingon, “panlakaw kamo ug pamautismo?”

    Kini ba nagalangkob sa tanang pundok sa tanang tinohoan karon aron manlakaw ug mamautismo?

Ang basahon: “Kinsa ang Gisugo sa Pagpamautismo?” modugang pagpahayag bahin niini.

MGA PANGUTANA

Pangutana
#80. Asa gipanig-ingon ang pulong bautismo?
Tubag:
    Roma 6:4,5 - Sa kamatayon ug sa paglubong ni Jesus Cristo

Pangutana
#81. Unsa ang gisugo ni Ginoong Jesus ngadto sa Iyang mga tinon-an?
Tubag:
    Mateo 28:19 - Manlakaw ug magatudlo sa tanang nasud ug magabautismo

Pangutana
#82. Diha ba sa simbahan himoon ang bautismo?
Tubag:
    Mateo 3:16 (Revised) - Dili. Kondili sa daghang Tubig.

Pangutana
#83. Gikinahanglan ba ang taas nga pagtoon sa doctrina? usa pa ang bautismo?
Tubag:
    Buhat 8:34, 37, 38 - Depende, sa pagtoo sa bug-os nga kasingkasing ug mitoo nga si Jesus Anak sa Dios.

Pangutana
#84. Unsa man ang hinungdan ngano nga kinahanglan ang tawo magpabautismo?
Tubag:
    1 Pedro 3:21 - Aron Maluwas gikan sa kahugawan
    Marcos 16:16 - Aron Mamaluwas gikan sa silot

Pangutana
#85. Sumala sa sinulat ni apostol Pablo sa Colosas 3:17, ang tanan natong pagabuhaton (lakip na niini ang bautismo), sa pulong ug sa buhat: buhaton sa ngalan ni Ginoong Jesus; Mao ba kini nga ngalan ang gigamit ni apostol Pablo sa pagbautismo?
Tubag:
    Buhat 19:1-5 - Oo. Kay gibautismohan sila sa ngalan sa Ginoong Jesus.

Pangutana
#86. Mao ba kini ang ngalan nga gigamit sa unang mga tinon-an ni Cristo diha sa ilang pagpamautismo?
Tubag:
    Oo.
    Buhat 8:16 - Sa ngalan sa Ginoong Jesus.
    Buhat 2:38; Buhat 10:48 - Sa ngalan ni Jesus Cristo.

Pangutana
#87. Kay si apostol Pablo nagbautismo man sa ngalan ni Ginoong Jesus, asa man kini nga pagtolon-ana niya nadawat?
Tubag:
    Galacia 1:11, 12 - Pinaagi sa gipadayag ni Jesus Cristo kaniya.

Pangutana
#88. Kinsa man ang nagmando o nagtudlo samtang ginahimo nila ang bautismo sa “Ngalan ni Ginoong Jesus?” 
Tubag:
    Juan 16:13 - Ang Espiritu sa kamatouran. 

Pangutana
#89. Kong ang usa ka tawo nagbag-o na sa iyang paggawi, kinahanglan ba nga siya magpabautismo kung bout mosulod sa Iglesia?
Tubag:
    Mateo 3:14, 15 (Revised) - Ang pagbuhat niini aron sa pagtuman sa tibook pagkamatarung. 

PAGPAHAYAG:
    Ang bautismo maoy usa ka paagi nga ang tawo mahimong bahin sa lawas ni Cristo (1 Corinto 12:13)