Ang Biblia

    Ang Biblia maoy usa ka basahon nga pinaagi niini gipadayag sa Dios ang Iyang katuyoan diha sa tawo. Ingon nga Siya mao ang Magbubuhat sa tanang mga butang, dili Niya bout nga ang Iyang mga binuhat dili masayud o mahibalo sa iyang Magbubuhat. Tungod niini nga tumong gipadayag Niya ang Iyang katuyuan; pinaagi sa mga balaang tawo sa Dios, nga mao ang mga propeta; pinaagi sa Iyang bugtong Anak, nga mao si Ginoong Hesus; ug pinaagi sa mga apostoles. Sila mihatag ug mga pagpamatoud mahitungod sa pagkaanaa ug pagkamakagagahum sa Dios nga Amahan.

MGA PANGUTANA

Pangutana   

#1. Sa unsang paagi nga miabut ang mga tagna nga nahasulat sa Balaang Kasulatan?

Tubag: 

    II Pedro 1:21 - Pinaagi sa balaang tawo sa Dios.

Pangutana

#2. Kay ginadala o minandoan man sila sa Espiritu Santo, Sa unsa nga tuyo ngano nga ilang gisulat kini?

Tubag:

    Roma 15:4 - Gisulat sa pagtoon kanato.

Pangutana

#3. Hain man niini nga Kasulatan ang minandoan sa Espiritu Santo sa dihang gisulat kini sa balaang mga tawo sa Dios?

Tubag: 

    II Timoteo 3:16 - Ang tibook nga Kasulatan.

Pangutana 

#4. Ingon nga tibook man nga Kasulatan (All scripture),  unsa man ang dangatan sa tawo nga magtuman niini?

Tubag:

    II Timoteo 3:17 - Mamahingpit na ang tawo

Pangutana 

#5. Tinoud ba ang giingon sa uban nga ang Balaang Kasulatan aduna pa bay kulang?

Tubag:

    Isaias 34:16 - Walay usa niini nga mawala, walay makulangan sa iyang kauban.

Pangutana 

#6. Unsa man ang tambag nga gihatag kanato bahin sa basahon ni Jehova?

Tubag: 

    Proverbio 30:6 - Dili ka magdugang sa iyang mga pulong.

    Deuteronomio 12:32 - Dili pagadugangan, ni pagakuhaan

    Pinadayag 22:18,19 (revised) -

        18.)kon adunay magadugang niini bisan unsa, kaniya igadugang sa Dios ang mga hampak nga gihisgutan niining basahona. 

        19) Ug kon adunay magataktak.

Pangutana 

#7. Kon kita magasusi sa Kasulatan ug ato nga tumanon,  unsay giingon sa atong Ginoong Hesus?

Tubag: 

    Juan 5:39 - May kinabuhi nga walay katapusan.

Pangutana

#8. Unsaon man nato pagtoon ang Balaang Kasulatan?

Tubag: 

    Isaias 28:13 - Dinhi madiyutay, didto madiyutay.

Pangutana

#9. Ang tawo nga nagatoon sa Kasulatan, makasabut ba siya sa tanan kon walay motudlo kaniya?

Tubag: 

    Buhat 8:30,31 - Unsaon ko paghimo kong walay usa nga magtudlo kanako?

Pangutana

#10. Makapila man ang tawo mobasa sa Biblia?

Tubag: 

    Buhat 17:11 - Matag adlaw.

Pangutana

#11. Kung ang tawo magtoon ug tumanon ang nahisulat sa Kasulatan, unsa man ang giingon sa Dios?

Tubag: 

    Bugna 1:3 - Bulahan siya.

    Lucas 11:28 - Bulahan.

Pangutana

#12. Unsa ang gikinahanglan sa diha nga magabasa kita sa Kasulatan?

Tubag: 

    Mateo 24:15 - Ang nagabasa sumabut.

Pangutana

#13. Ang nagabasa nga wala ubanig pagsabut ug gituis ang nahasulat, mohatud ba kini gihapon sa kinabuhing dayon?

Tubag: 

    Mateo 22:29 - Nangasayup sila tanan

    II Pedro 3:15,16 - Ngadto sa ilang kaugalingong pagkalaglag.

PAGPAHAYAG:

    Dili tungod kay mabasa igo na. Gikinahanglan nga sabton kung unsa ang buot nga gipasabut sa nagsulat.

Pangutana

#14. Aduna bay pagkahanaw ang pulong sa Dios?

Tubag: 

    Mateo 24:35 - Pulong dili mahanaw.

    Isaias 40:8 - Walay katapusan.

PAGPAHAYAG:

    Adunay daghan nga bout molumpag sa Pulong sa Dios. Bout unsaon nila kini pagpanamastamas, aron ngamawad-ag pagsalig ang tawo, mikaylap hinoon nga maoy pinakadaghan: sa mga magabasa, sa mga nagatoo, ug sa mga ginapatik nga mga basahon sa tibook kalibutan.