Ang dakong panon nga dili maisip

    Ngano nga kini nga pagtoon mapuslanon?

    Kinahanglan masayud kita niini. Nagtoo ang uban nga kini kinabig sa panahon sa milenio. Ang uban nagtoo nga kining dakong panon maoy mohari dinhi sa yuta ug ang gamay nga panon maoy mohari didto sa langit (Lucas 12:32). 

    Kini ilang gitohoan nga mao ang 144,000.

MGA PANGUTANA

Pangutana
#110. Unsa ang gisulti ni Ginoong Jesus ngadto sa Iyang mga tinon-an?
Tubag:
    Lucas 12:32 - Ayaw kahadlok, diyutay nga panon.

PAGPAHAYAG:
    Niining panahona napulo ug duha pa lang ka book sila. Busa dili pud makatarunganon nga ingnon: “Dakong Panon.”

Pangutana
#111. Nagpabilin ba nga diyutay nga panon ang pundok sa mga tinon-an?
Tubag:
    Buhat 1:15 - Usa ka gatus ug kaluhaan.
    Buhat 6:7 - Misanay sa hilabihan gayud sa Jerusalem.
    Buhat 11:21 - Daghang mingtoo.

PAGPAHAYAG:
    Ang diyutay nga panon kaniadto nahimo na nga dakung panon sa human ang Pentecostes. Apan kini didto lamang sa mga Judio.

Pangutana
#112. Asa gikan ang usa ka dakung panon nga dili maisip?
Tubag:
    Bugna 7:9 - Gikan sa tanang kanasuran, ug kabanayan ug katawohan ug mga sinulti-han.

PAGPAHAYAG:
    Kini takda sa giingon ni apostol Pablo nga sa dihang mibalibad na ang mga Judio sa pagdawat sa Maayong Balita, gipadala na usab kini ngadto sa mga kahintilan  (Buhat 22:17-22; 18:19; 28:28).

Pangutana
#113. Sa gikapadala na ang Maayong Balita ngadto sa kahintilan, ipalukop ba sa tibook kalibutan, usa moabot ang katapusan?
Tubag:
    Mateo 24:14 - Oo, sa tanang mga kanasuran sa kalibutan.

Pangutana
#114. Karon unsa ang agda alang sa tawo aron makabaton siya sa kaluwasan?
Tubag:
    Bugna 22:17 - Ang mobuot, moinum paimna siya sa tubig sa kinabuhi nga sa walay bayad.

Pangutana
#115. Ang buhing tubig gitanyag ba usab ni Cristo dinhi pa Siya sa kalibutan?
Tubag:
    Juan 4:9-14 (Revised) - Oo, sa dihang nag-estorya sila sa babayeng Samaryanhon.

PAGPAHAYAG:
    Mao kini karon ang ginabuhat sa Iglesia .. Nagtanyag sa buhing tubig  aron nga ang motoo sa Maayong Balita makabaton sa kinabuhing dayon.

Pangutana
#116. Sa pagpangdapit nga ginahimo sa Iglesia karon, may matawag ba nga wala magbag-o sa ilang kinabuhi?
Tubag:
    Mateo 22:11, 12 - Oo, masabtan pinaagi sa  sumbingay sa kasal

Pangutana
#117. Makabaton ba sa kinabuhing dayon ang wala magbisti sa bisti nga alang sa kasal?
Tubag:
    Mateo 22:13 - Dili. Ipasalibay sa gawas didto sa kangitngitan

Pangutana
#118. Kining pagsangyaw o pagpangdapit nga ginahimo karon sa iglesia, asa gikan nga mga dinapit?
Tubag:
    Bugna 7:9, 13, 14 - sila nagagikan sa dagkung kagul-anan ug gikan sa tanang kabanayan ug sinultihan.

Pangutana
#119. Umalabut ba kining dakong kagul-anan?
Tubag:
    Mateo 24:21 - Unya moabot ang dako nga kagul-anan nga walay pay ingon sukad sa sinugdan sa kalibutan hangtud karon.

Pangutana
#120. Human niini unsa usab ang mahitabo?
Tubag:
    Mateo 24:29, 30 (revised) - Ang Adlaw mongitngit, Bulan dili na muhatag ug kahayag,  mga bitoon mangatagak gikan sa kahitas-an, ug matay-og ang mga gahum sa kalangitan

Pangutana
#121. Kining bisti nga maputi asa kini nagasimbolo?
Tubag:
    Bugna 19:7, 8 - Ang lino nga manipis mao ang mga buhat nga matarung sa mga balaan.

Pangutana
#122. Ingon nga ang bisti nga maputi mao man ang binuhatan nga matarung sa mga balaan, pag-abut unya sa Cordero o Pamanhonon, unsa ang dangatan niadtong wala makapangandam?
Tubag:
    Bugna 19:14 - Ug  ang mga kasundalohan sa langit nagasunod kaniya nga nanagkabayo, nga sinul-oban sa lino nga manipis, maputi ug mahinlo.

Pangutana
#123. Kadtong mga nakasugat sa Pamanhonon nga mga andam ug nagbisti sa bisti nga maputi, sa nanaug na sila gikan sa langit sa kapanganoran  (1 Tesalonica 4:16); Giunsa paghulagway ni apostol Juan?
Tubag:
    Bugna 19:14 - Ug ang mga kasundalohan, nagasunod kaniya, nga sinul-oban sa lino nga manipis, maputi ug mahinlo.

PAGPAHAYAG:
    Mahayag nga ang nagbisti sa mga bisti nga maputi mao ang pangasaw-onon sa Cordero. Kini sila mao kadtong nanag kabayo sa mga kabayo nga maputi. Busa dili mao ang  bag-ong Jerusalem ang pangasaw-onon kay gigamit man ang pulong “Sila.” Dili usab mahimo nga ang bag-ong Jerusalem magsakaysakay sa mga kabayo nga maputi nga magasunod sa Cordero.

Pangutana
#124. Unsang paagi nga napaputi ang mga bisti niining mabagang panon nga dili maisip?
Tubag:
    Bugna 7:14 - Ug gilabhan nila ang ilang mga bisti nga hatag-as ug gipaputi nila sa dugo sa Cordero.

Pangutana
#125. Ang dugo sa Cordero makaunsa man diay sa sala?
Tubag:
    1 Juan 1:7 - Nagahinlo kanato gikan sa tanang sala.

Pangutana
#126. Sa makompleto na ang panon nga dili maisip nga gikan sa tanang kanasuran, unsa man dayon ang buhaton sa Ginoo?
Tubag:
    Mobalik ang Ginoo ug magtukod sa tabernaculo ni David.

Pangutana

#127. kadtong gitubos sa Iyang dugo gikan sa tanang banay, ug pinulongan, ug katawohan ug nasud, Unsa ang gibuhat alang kanila?

Tubag:
    Bugna 5:10 - Gihimo silang mga Hari ug sacerdote aron magahari sa yuta kauban ni Cristo.

Pangutana

#128. Unsa ang Iglesia nga gitubos sa Iyang dugo?

Tubag:
    Buhat 20:28 - Iglesia sa Dios.

PAGPAHAYAG:

    Ang unang kinabig sa Iglesia sa Dios mao ang mga Israelihanon kay didto man kanila giuna pagmensahe ang Maayong Balita. Human mapatiki ang 144,00 nga gikan sa tanang banay sa Israel, ang mensahe alang sa kaluwasan gipadala usab ngadto sa mga Gentil. Busa ania na usab sa mga Gentil ang pagpamatik.

Pangutana

#129. Gipadayon ba ang pagpamatik diri sa mga Gentil?

Tubag:

    Efeso 1:13 - Oo, pinaagi sa pagpatik sa Espiritu Santo

Pangutana

#130. Kung mahuman na ang pagpamatik, buhian na ba ang upat ka manulonda nga nagpugong sa upat ka hangin?

Tubag:
    Bugna 7:1-3 - Oo, hangtud mahuman pagpamatik

Pangutana

#131. Asa man kining upat ka manolonda nga nagpugong sa hangin o gubat?

Tubag:
    Bugna 9:14 - Upat ka mga manolunda nga ginapus hadoul sa dakung suba sa Eufrates.

Pangutana
#132. Unsay proweba nga adunay pinatikan bisan sa panahon sa ikalima nga budyong?

Tubag:
    Bugna 9:1-4 - Kondili ang mga tawo lamang nga walay patik sa Dios sa ilang mga agtang.

Pangutana

#133. Kay ania pa man ang mga balaan ning ikalima ka budyong, kanus-a man diay ang pagkabanhaw ug ang pag-ilis sa lawas nga dili madunoton?

Tubag:
    1 Corinto 15:51, 52 - Sa katapusan nga budyong. dakung suba sa Eufrates.

    Bugna 10:7 - Inig-tingog sa ikapito ka manolonda.

PAGPAHAYAG:  

    Ang pito ka budyong sa Bugna 8:6-13; 9:1-21; 10:7, dili mao ang pita ka mga hampak nga gihisgutan sa Bugna 16:1-21. Kay sa panahon sa pagbobo sa pito ka mga hampak wala na dinhi sa yuta nag mga matarung. Nakasugat na sila sa Ginoo diha sa langit sa kapanganuran.

    Alang sa dugang pagpahayag bahin niini, imong mabasa sa usa ka basahon nga nag-ulohan: “KINSA ANG DAKUNG PANON?”