Ang gitugot nga kalan-on sa mga Balaan

    Unsa ang gitugot sa Dios nga kalan-on alang sa Iyang katawohan? Ang Iyang gidili nga kalan-on sa Iyang katawohan sa Daang Tugon, gitugot na ba dinhi sa Bag-o? Unsa man ang giingon sa Balaang Kasulatan mahitungod niini?

MGA PANGUTANA

Pangutana
#507. Ang paggahin sa mahinlo ug mahugaw daan na ba sa panahon ni Noe?
Tubag:
    Genesis 7:2 - Mananap nga mahinlo, mananap nga mahugaw.

PAGPAHAYAG:
    Ang pagsugo sa Dios kang Noe mahitungod sa mga mananap nga mahinlo ug mahugaw nagpasabut nga nahibalo nang daan siya kung unsa ang mahinlo ug ang mahugaw nga mga mananap.

Pangutana
#508. Sa pagkawas na nila sa arca unsa nga matang sa mga mananap ang iyang gihalad?
Tubag:
    Genesis 8:20 - Tanan nga mananap nga mahinlo, ug sa tanan nga langgam nga mahinlo. 

PAGPAHAYAG:
    Ang texto nga gipaahayag sa itaas atong makita nga aduna nay kalainan sa mahinlo ug sa mahugaw nga mananap sa wala pa ang Balaod ni Moises. Wala pay Moises niining tungura kay natawo siya sa panahon nga ang mga anak sa Israel didto na sa yuta sa Egipto (Exodo 2).

Pangutana
#509. Unsa man ang ilhanan sa mahinlo ug mahugaw nga mananap?
Tubag:
    Levitico 11:2-8 - May kuko nga pikas ug may tiil nga buak, ug nagapangusap, kini maoy mahimong kan-on ninyo, sa mga nagapangusap, kun sa mga may kuko nga pikas dili ninyo pagakan-on kini: ang camello kay bisan pa nga kini nagapangusap, kini walay tiil nga pikas, ang baboy kay kini may kuko nga pikas ug may tiil nga buak apan wala magapangusap.

Pangutana
#510. Alang sa mga nagapuyo sa tubig, unsa usab ang gitugot sa Ginoo?
Tubag:
    Levitico 11:9 - Kadtong may mga kapay ug may mga himbis. 

Pangutana
#511. Alang sa mga langgam, unsa man ang ilhanan sa dili ipakaon sa Ginoo?
Tubag:
    Levitico 11:13-19 - Ang langgam nga mananagit. 

PAGPAHAYAG:
    Kung wala isulat ni Moises ang Levitico 11 ug Deutronomio 14, ang mga mananap nga mahinlo ug mahugaw nga gipasulod ni Noe sa arca mahimong tigmo alang kanato karon. Atong nasayran kung unsa ang mahinlo ug mahugaw nga gipasulod ni Noe sa arca tungod niining duha ka kapitulo. Apan atong hinumduman nga kining paggahin sa mahinlo ug mahugaw wala kini magsugod kang Moises. 

Pangutana
#512. Unsa man ang gitambag niini sa Ginoo sa Iyang katawhan?
Tubag:
    Levitico 11:44-47 - Dili paghugawan ang inyong lawas sa bisan unsa nga mananap nga mokamang nga nagalihok sa ibabaw sa yuta, busa magbalaan kamo kay ako balaan man. 

Pangutana
#513. Kini nga pagtambag nga gihatag sa Dios sa Iyang katawhan sa Daang Tugon, gikutlo ba gihapon kini ug gitambag sa katawohan sa Dios dinhi sa Bag-ong Tugon?
Tubag:
    1 Pedro 1:15, 16 - Oo, magbalaan usab sa tanang paagi. 

PAGPAHAYAG:
    Ang maong texto nga gikutlo ni apostol Pedro kinuha niya gikan sa Levitico 11:45. Ug atong nahibaloan kung unsa ang usa sa mga paagi nga diin mahimong balaan ang Iyang katawohan. Kung unsa ang gipasabut sa Dios sa Daang Tugon nga mahimong balaan ang Iyang katawohan mao usab dinhi sa Bag-ong Tugon

Pangutana
#514. Kining dili paghikap sa mga butang mahugaw, alang ba lamang kini sa katawohan sa Daang Tugon?
Tubag:
    2 Corinto 6:17 - hangtud gihapon sa Bag-ong Tugon 

PAGPAHAYAG:
    Si apostol Pablo mikutlo sa Daang Tugon (Isaias 52:11) ug sa iyang gitudlo sa taga-Corinto. Kini atong masabut nga kung unsa ang gitudlo nga dili ipahikap nga mga mahugawng butang nga gipamulong sa Dios ngadto kang Isaias, mao usab dinhi sa Bag-ong Tugon. 

Pangutana
#515. Mao ba kini ang kondisyon aron kita dawaton nga mga anak sa atong Amahan?
Tubag:
    II Corinto 6:17,18 - Oo. ilhon kita niya basta dili kita maghikap niini 

Pangutana
#516. Kining mga mahugaw nga mga mananap ug mga langgam nagpabilin ba kini nga mahugaw hangtud karon bisan sa umalabut?
Tubag:
    Bugna 18:2 - karon ug bisan unya aduna gihapoy langgam nga dulumtanan.
    Bugna 16:13 - bisan ang mga mahugaw nga sama sa baki

PAGPAHAYAG:
    Si apostol Juan nga nagsulat sa Bugna gipakita kaniya sa Ginoo nga ang langgam nga mga mahugaw ug ang espiritung mahugaw gipakasama sa mga baki nagpabilin nga hugaw bisan pa sa umalabut kay ang maong gitagna matuman man sa umalabot. Kining pagsulat sa Bugna gisulat human na sa kamatayon sa Ginoo. Busa dili igong katarungan nga ang pag-ingon nga ang Kamatayon sa Ginoo. Busa dili igong katarungan nga ang pag-ingon nga ang Kamatayon sa Ginoo maoy nakapahinlo sa mga mananap ug mga langgam nga mahugaw nga gihisgutan sa Daang Tugon. Ang basahon nga nagulohan “Gihinloan Ba Ni Cristo Ang Tanang Butang?” makatabang niini nga pagtoon. Dinhi niini gisaysay ang mga texto nga usahay gigamit sa pagpatoo nga ang dili ipakaon sa Dios sa Daang Tugon, gitoohan nga ipakaon na sa Bag-ong Tugon. 

Pangutana
#517. Kon ang tawo maabtan nga nagkaon sa mga mahugaw inig balik ni Cristo, Unsa ang iyang buhaton niini?
Tubag:
    Isaias 66:15-17 - pahamtangan sila sa silot ang nagakaon. 

PAGPAHAYAG:
    Kini nga tagna wala pa mahitabo tungod kay wala pa man makabalik ang GInoo nga magahukom sumala sa atong nabasa apan kini mamatuman gayud sa Iyang ikaduhang pag-anhi (2 Tesalonica 1:7-9).