Ang kalibutan panahon sa mil-anyo

    Matoud ba nga ang mga balaan mamahimong hari? Kung mao, asa man sila maghari? Dinhi ba sa yuta o didto sa langit? Unsa man kini ka dugay?

MGA PANGUTANA

Pangutana
#346. Unsa man ang kahulugan sa pulong Milenio?
Tubag:
    Diksyonaryo : 1000 ka tuig nga paghari ni Cristo

Pangutana
#347. Unsa ang mahitabo sa dili pa magsugod ang usa ka libo ka tuig?
Tubag:
    Bugna 20:2, 3 - Ug gigapos niya ang Yawa sulod sa usa ka libo ka tuig, iyang gitambug siya sa kahiladman nga dili matugkad, usa ka libo ka tuig.

Pangutana
#348. Sa gigapos ang yawa sulod sa usa ka libo ka tuig, pila usab ka tuig mohari ang mga balaan?
Tubag:
    Bugna 20:4, 6 - Sila nangabuhi ug nanaghari uban kang Cristo sulod sa usa kalibo ka tuig, ug magahari sila uban kaniya sa usa ka libo ka tuig.

Pangutana
#349. Aduna bay pagkabanhaw sulod sa mil-anyo?
Tubag:
    Bugna 20:5 - Dili sila mabuhi pag-usab hangtud nga matuman ang usa 1000 ka tuig.

Pangutana
#350. Kay dili man mabanhaw sulod sa usa ka libo ka tuig, unsa man ang kahimtang sa mga tawo nga nahibiling buhi sa gubat sa Armagedon?
Tubag:
    Zacarias 14:16 - Moanha sa tagsa-tagsa ka tuig sa pagsimba sa Hari, nga si Jehova sa mga panon, ug sa pagsaulog sa fiesta sa mga tabernaculo.

Pangutana
#351. Kay magahari man sila sulod sa usa ka libo ka tuig kauban ni Cristo, kinsa man ang ilang harian?
Tubag:
    Bugna 2:26, 27 - ibabaw sa mga nasud.

Pangutana
#352. Unsa man ang buhaton sa mga katawohang Israel ug mga kanasuran nianang panahona? 
Tubag:
    Isaias 65:21-24 - Sila magatukod ug mga balay, ug magapuyo niini; ug sila magatanum ug mga kaparrasan.
    Isaias 2:4 - Ang ilang mga espada, ilang himoon nga mga punta sa daro, ug ang ilang mga bangkaw himoon nga galab.

Pangutana
#353. Alang sa mga tawo nga gihatagan ug higayon, pila ka tuig ang tagal sa Ginoo kanila?
Tubag:
    Isaias 65:20 - Usa ka gatus ka tuig kada usa kanila.

Pangutana
#354. Unsa man ang usa sa mga mensahe sa panahon sa usa ka libo ka tuig?
Tubag:
    Isaias 52:7 - Ang imong Dios nagahari.

Pangutana
#355. Kay gitagalan man ug usa ka gatus ka tuig ang mga tawo nga gihatagan ug higayon, kung pananglit magbalatian sila, unsa man ang itambal kanila?
Tubag:
    Ezequiel 47:12 - Dahon niana ikatambal nga makaayo.

Pangutana
 #356. Gawas sa mga pagpananum sa panahon sa milenio, unsa pa ang laing panginabuhian sa mga tawo?
Tubag:
    Ezequiel 47:8-10 - Ang mga mangingisda magatindog sa daplin niini.

Pangutana
#357. Alang sa mga tawo nga nahibilin nga gitagalan sa Ginoo ug usa ka gatus ka tuig may posibilidad ba nga sila makasala?
Tubag:
    Isaias 65:20 - Ang makasasala adunay usa ka gatus ka tuig nga kagulangon pagtunglohon.

Pangutana
#358. Kay ang mga linuwas maghari man kauban sa atong Ginoong Jesus diha sa mga tawo nga nahibilin sa panahon sa gubat sa Armagedon, aduna bay mosupak sa Iyang paghari?
Tubag:
    Lucas 19:27 - Ang iyang mga kaaway dili gusto maghari Siya
    Isaias 60:12 - Adunay mga nasud nga dili moalagad kaniya

Pangutana
#359. Unsa man unya ang kahimtang sa mga mananap sa panahon sa Milenio?
Tubag:
    Isaias 65:25 - Ang lobo ug ang nating carnero managsalo sa pagsibsib, ang abug mahimong kalan-on sa bitin, sila dili modaut ni molaglag sa bisan kinsa.
    Isaias 11:6-9 - Ang lobo mopuyo uban sa nating carnero, ang leobardo mohigda uban sa nating kanding, ang nating vaca ug ang nating leon ug ang linaming nga mananap manag-ipon sila, ang leon mosibsib sa kompay sama sa torong vaca, dili nila pagadauton ni pagagub-on ang tibook ko nga bukid nga balaan.

PAGPAHAYAG:
    Timan-i ang milenio mao ang panahon sa pagbag-o (Mateo 19:18), ug panahon sa pagpahiuli sa tanang mga butang nga nawala sukad sa sinugdan (Buhat 3:20,21). Si Ginoong Jesus mao ang gitugyanan sa pagbuhat niini.

Pangutana
#360. I-uli ba usab Niya ang ulay nga pinulongan nianang panahona?
Tubag:
    Sofonias 3:9 - Ulian ko ang katawohan sa ulay nga pinulongan.

PAGPAHAYAG:
    Ang pinulongan nga Hebreohanon dili mao ang ulay nga pinulongan sama sa gitohoan sa uban. Sa pagkakaron ang pinulongang Herbreohanon maoy gigamit sa nasud Israel.