Ang mga fiesta sa Levitico 23, kinahanglan pa ba nga saulogon?
Ngano nga ang uban nagsaulog pa niini? Tungod ba kay giingon; “Tulomanon nga walay katapusan?”
Unsa man ang gitudlo bahin niini dinhi sa Bag-ong Tugon?
Ang mga apostoles nagtudlo ba nga pagabantayan kini?
Kinsa man ang nanagpanudlo niini kaniadto nga nakahatag ug kasamok?
Ang mga “Pangutana ug Tubag” niini nga pagtoon mutin-aw niining tanan.
MGA PANGUTANA
Pangutana
#298. Alang sa kang kinsa ang pagbantay sa mga fiesta?
Tubag:
Levitico 23:1, 2, 4 - Alang sa mga anak sa Israel
Pangutana
#299. Unsa man kining mga tinudlo nga mga fiesta ni
Jehova nga ilang igamantala sa
natudlong panahon?
Tubag:
Levitico 23:5 - Pasko ni Jehova.
PAGPAHAYAG:
Kini nga tulomanon handumanan sa panahon nga milabay si Jehova sa balay sa mga anak sa Israel didto sa Egipto, sa pagpamatay Niya sa mga panganay sa mga Egiptohanon (Exodo 12:26, 27).
Levitico 23:6-8 - Tinapay nga walay Levadura.
PAGPAHAYAG:
Kini nga tulomanon handumana nila sa ilang paggula
sa yuta sa Egipto sa madali (Deutronomio 16:3; Exodo 13:8,
9). Naglandong usab kini kang Cristo nga Siya mao ang tinapay
nga walay levadura nga ginaambitan sa mga nakagawas sa
pagkaulipon sa sala (1 Corinto10:16, 17).
Levitico 23:21 - Pentecostes.
PAGPAHAYAG:
Mao kini ang fiesta sa mga semana kun inunahang
bunga (Numeros 28:26; Deutronomio 16:10). Ika kalim-an kini
nga adlaw gikan sa adlaw nga mosunod sa adlawng
igpapahulay sa panahon sa fiesta sa tinapay nga walay
levadura.
Levitico 23:23-25 - Mga trompeta.
PAGPAHAYAG:
Kini handumanan sa ilang pagtawag sa katilingban,
Kini usab maoy gigamit pagpatunog sa sinugdan sa ilang
mga bulan ug sa pagpadayon sa ilang mga pagpanaw
(Numeros 10:2, 6, 8, 9).
Levitico 23:26-28 - Pagtabon sa Sala.
PAGPAHAYAG:
Ang mga detalye sa pagsaulog niini makita sa Levitico
16. Mao kini ang adlaw nga ang Labawng Sacerdote
mosulod sa dapit nga labing balaan sa tabernaculo/templo
aron paghalad sa sala sa katawohan. Kini nga tulomanon
gitapus ni Cristo ingon nga siya maoy Labawng Sacerdote
dinhi sa Bag-ong tugon nga nagpasaylo sa sala sa mga
katawohan (Hebreohanon 9, 10). Tubag: Genesis 14:18 - Si
Melchisedec.
Levitico 23:33-35 - Mga tabernaculo.
PAGPAHAYAG:
Kini handumanan nga nagpuyo sila sa mga balongbalong sulod sa kag-atan ka tuig (Levitico 23:42, 43).
Levitico 23:36, 39 - Katapusang Dakung Adlaw.
PAGPAHAYAG:
Kini mao ang panapus nga pagsaulog sa ilang mga
fiesta sulod sa usa ka tuig. Gisaulog kini sa ikawalo ka adlaw
human sa pito ka adlaw nga pagsaulog sa fiesta sa mga
tabernaculo. Kini nga mga tulomanon gipatuman alang
lamang sa mga naulipon sa Egipto ug kini mao ang kasugoan
nga gidawat ilalum sa pagkasacerdote ni Levi.
(Hebreohanon 7:11). Niini walay kalabutan ilalum sa
pagkasacerdote ni Cristo.
Pangutana
#300. Kinsa man ang sacerdote sa panahon ni Abraham?
Tubag:
Genesis 14:18 - Si Melchisedec.
Pangutana
#301. Kinsa ang sacerdote sa panahon ni Moises?
Tubag:
Numeros 3:5, 6 - Ang banay ni Levi, Aaron.
Pangutana
#302. Dinhi sa Bag-ong Tugon ang pagkasacerdote ni Cristo
asa nahalinya, sumala sa pagpamatoud sa nagsulat
sa basahon sa mga Hebreohanon?
Tubag:
Hebreohanon 7:15-21 - Kung sumala sa kasamahan ni Melchisedec may mobangon nga laing sacerdote,
Ikaw sacerdote sa walay katapusan, sumala sa laray
ni Melchisedec, Ikaw sacerdote sa walay katapusan.
Pangutana
#303. Karon kay ang nahimong sacerdote sa Bag-ong
Tugon mao na man si Cristo, ang mga gipatuman
nga fiesta diha sa pagka sacerdote ni Aaron
gipadayon ba?
Tubag:
Hebreohanon 7:12 - Dili na kay nailisan na ang kasuguan.
Pangutana
#304. Sa sinulat ni apostol Pablo ngadto sa mga tagaCorinto, giunsa niya pagsaysay niini kon ang usa
ka Judio makabig na diha kang Cristo?
Magpadayon ba gihapon sa pagsaulog niining mga
fiesta nga anaa diha sa Kasugoan ni Moises?
Tubag:
II Corinto 3:14-16 - Magabalik na sila sa Ginoo,
makuha ang tabil.
Pangutana
#305. Sa mga Judio nga wala modawat sa Ginoo
nagpadayon ba sila pagsaulog niining mga fiesta
sama sa Pentecostes?
Tubag:
Buhat 2:1, 5, 14, 22 - Mga Judio ug kamong tanan nga
nagapuyo sa Jerusalem maila ninyo unta kini.
Pangutana
#306. Kining mga Judio nga nagkatigum didto sa
Jerusalem nga gikan sa nagkalainlaing mga nasud
nga giwalihan sa mga apostoles pila man ang mitoo
ug nabautismohan niadtong adlawa?
Tubag:
Buhat 2:36, 41 - may tolo ka libo (3000) ka mga kalag.
Pangutana
#307. Unsa ang nakapagubot nga pagtulon-an nga gitudlo
ngadto sa mga kaigsoonan?
Tubag:
Buhat 15:1-5 - ang pagpanudlo nga kon dili magtuman sa
kasuguan ni Moises dili maluwas.
Pangutana
#308. Kay bout man niining mga sakop sa pundok sa mga
Fariseo ang kinabig nga pabantayon gayud ang
Gentil sa Kasuguan ni Moises, unsa man ang hukom
sa mga apostoles?
Tubag:
Buhat 15:19 - dili ta pagsamokon sila....
Pangutana
#309. Kay dili man pagsamokan ang mga Gentil,
unsa man lang ang gipatuman kanila?
Tubag:
Bugna 15:20 -Maglikay sila gikan sa mga kahugaw sa mga
larawan, ug gikan sa pagpakighilawas, ug gikan sa
linuok, ug gikan sa dugo.
Pangutana
#310. Kinsa ang nagmando kanila sa ilang pagdisisyon
mahitungod niini?
Tubag:
Bugna 15:28 - Ang Balaang Espiritu
PAGPAHAYAG:
Dinhi atong makita nga wala iapil ang mga fiesta
pagpatuman. Unsa ang gidesisyon sa mga apostoles
maoy mando sa Espiritu Santo ug kini maoy ipatuman
diri sa mga Gentil.
Pangutana
#311. Asa ba nahakarga nga Kasugoan ang mga tulomanon
sa mga fiesta sama sa fiesta sa tabernacolo o mga
payag?
Tubag:
Nehemias 8:1, 3, 14 - Nakaplagan nga nahisulat sa Kasugoan,
magpuyo sa mga payag sa fiesta ikapito ka bulan.
Pangutana
#312. Ang mga pista ba usab mao ang Kasugoan ni Moises?
Tubag:
Esdras 3:2, 4 - Paghalad sa mga halad-nga-sinunog sa ibabaw
niana, sumala sa nahisulat sa Kasugoan ni Moises,
ang fiesta sa mga tabernaculo, sumala sa nahisulat,
ug gihalad ang mga halad-nga-sinunog, sumala sa
tulomanon.
Esdras 6:18,19,22 - Sumala sa nahisulat sa basahon ni
Moises, nagsaulog sa pasko, mingsaulog sa fiesta
sa tinapay nga walay levadura.
Pangutana
#313. Kining Kasugoan ni Moises anus-a man kini miabut?
Tubag:
Galacia 3:17 - Sa ming-agi na ang 450 ka tuig.
Pangutana
Unsa kining paglabay sa 450 ka tuig diin maoy
pag-abut sa maong Kasugoan?
Tubag:
Exodo 12:40 - Nga ang mga anak sa Israel mipuyo sa Egipto.
Pangutana
#314. Hangtud anus-a gipatuman kini?
Tubag:
Galacia 3:19 - Hangtud moabut si Cristo
Pangutana
#315. Pag-abut sa kaliwat nga mao si Cristo, unsa ang
gipamulong ni Ginoong Jesus?
Tubag:
Juan 19:30 - Nahingpit na.
Comments
Post a Comment