Ang napulo ka mga sugo

    Kini nga mga sugo naila na kaayo sukad pa sa karaang panahon. Daghan ang nagtoo nga kini nagsugod lang sa bukid sa Sinai. Tinoud nga ang pasulat nanukad didto, apan wala magpasabut nga mao pay pagtungha niini. Sa panahong Cristohanon gikinahanglan pa ba nga pagabantayan?

MGA PANGUTANA

Pangutana
#287. Unsa man ang napulo ka mga sugo sa Dios?
Tubag:
    Exodo 20:3-17 - Isa isaha ug basa.

Pangutana
#288. Kinsa ang nagsulat niini sa 2 ka papan nga bato?
Tubag:
    Exodo 31:18 - Nga gisulatan sa tudlo sa Dios.

Pangutana
#289. Ingon nga gisulat man kini sa Dios ug gihatag Niya kang Moises, nagpasabut ba kini nga wala pay Kasugoan ang Dios sa wala pa kini ikasulat?
Tubag:
    Exodo 16:26-29 - Sa unom ka adlaw magapamunit kamo niana; apan sa ikapito ka adlaw nga mao ang adlaw nga igpapahulay, Hangtud ba anus-a nga managdumili kamo sa akong mga sugo ug sa akong mga tulomanon?, si Jehova naghatag kaninyo sa adlaw nga igpapahulay. 

PAGPAHAYAG:
    Karon atong nahibaloan nga duna na, tungod sa pangutana nga gipagawas: “Hangtud ba kanus-a kamo managdumili sa Akong mga sugo ug sa Akong mga tulomanon?”

Pangutana
#290. Unsa ang resulta niini?
Tubag:
    Exodo 16:30 - Mao nga ang katawohan mingpahulay sa ikapito ka adlaw.

Pangutana
#291. Kinsa ang nagbantay niining mga tulomanon ug mga sugo sa Dios sa wala pa matawo si Moises?
Tubag:
    Genesis 26:5 - Si Abraham mao ang nagabantay

Pangutana
#292. Kining gibantayan ni Abraham nga mga tulomanon, mga sugo, mga pamatasan, ug mga balaod, gisugo ba usab nga pagabantayan sa mga katawohang Israel?
Tubag:
    Deutronomio 11:1 - Ang iyang katungdanan, ug ang iyang kabalaoran, ug ang iyang mga tulomanon, ug ang iyang mga sugo.

Pangutana
#293. Dinhi sa Bag-ong Tugon giawhag ba usab ni Ginoong Jesus ingon nga mga anak ni Abraham sa pagbuhat sa iyang ginabuhat kaniadto?
Tubag:
    Juan 8:39 - Oo. “Kung mga anak pa kamo ni Abraham, buhaton unta ninyo ang mga buhat ni Abraham.”

Pangutana
#294. Kinsa man ang giisip nga kaliwat ni Abraham?
Tubag:
    Galacia 3:7 - Kadtong mga anaa sa pagtoo.

Pangutana
#295. Kining mga kaliwat ni Abraham nga adunay pagtoo, magabantay ba sila sa mga sugo sa Dios?
Tubag:
    Santiago 2:8-11 - Oo, Harianong kasugoan, ‘ Higugmaa ang imong silingan ingon sa imong kaugalingon,’ nan, maayo ang inyong ginabuhat, kay bisan kinsa nga magabantay sa kinatibuk-an sa kasugoan apan makalapas siya sa usa ka bahin niini siya mahimong malinapason sa tanan niini, ‘Ayaw pagpanapaw’, ‘Ayaw pagpatay”, kon ikaw dili manapaw apan makapatay ka, ikaw nahimong malinapason sa kasugoan.

Pangutana
#296. Kay ang giisip nga kaliwatan ni Abraham nagbantay man sa Kasugoan sa Dios, kinsa kining nagpanudlo nga pagabantayan ang Kasugoan ni Moises?
Tubag:
    Buhat 15:1-6 - Ang mga Fareseo nanagpanudlo niana

Pangutana
#297. Unsa ang desisyon sa mga apostoles bahin niining pagbantay sa Kasugoan ni Moises? Unsa man lang ang gipatuman nganhi sa mga Gentil?
Tubag:
    Buhat 15:28, 29 - Kinahanglan palikayon sila

PAGPAHAYAG:
    Busa atong nahibaloan nga may Kasugoan ang Dios nga gipatuman sa Iyang mga katawohan sa wala pa si Moises. Sa paghigawas na sa Israel sa ilang pagkaulipon sa Egipto, didto sa bukid sa Sinai gisulat kini nga Kasugoan diha sa duruha ka papan nga bato ug gihatag kini ngadto kang Moises.

    Ang Kasuguan ni Moises nagsugod sa paghigawas nila sa yuta sa Egipto. Ang nagsulat niini mao usab si Moises (Deutronomio 31:24). Kini nga Kasugoan gipatuman hangtud moabut ang kaliwat nga mao si Cristo (Galacia 3:19). Aron dili masayup kita kung unsa ang buot ipasabut nga kasugoan, gitin-aw kini ni apostol Pablo sa bersikulo 17. Ang 430 ka tuig, ang gipasabut niini mao ang gidugayon sa ilang pagkaulipon sa Egipto (Exodo 12:40).