Ang ngalan KON ( Description ) sa matoud nga iglesia

    Matud pa sa kadaghanan, ang ngalan dili daw importante. Tinoud ba kini? O mao na lang kini ang ilang igaingon tungod kay ang ngalan sa ilang pundok wala sa Biblia. Ang ngalan sa pundok nga imong napasakupan anus-a lang kana magsugod? May ngalan ba nga gihatag sa Biblia nga mao ang ngalan sa matoud nga Iglesia? Sunda ang mga “Pangutana ug Tubag” niini nga pagtoon.

MGA PANGUTANA

Pangutana
#133. Sa kang Cristo ba ang ngalan, gihinganlan ang tanang banay (family-KJV) sa langit ug sa yuta?
Tubag:
    Efeso 3:14, 15 - Ang akong mga tuhod ginaluhod ko sa Amahan. Nga gikan kaniya ginganlan ang tagsatagsa ka banay sa langit ug yuta.

Pangutana
#134. Kay ginganlan man sila sa ngalan sa Amahan, giunsa paghingalan sa mga apostoles ang matoud nga Iglesia?
Tubag:
    I Timoteo 3:15 - Iglesia sa Dios.

Pangutana
#135. Ingon nga gitawag man nga: “Iglesia sa Dios” nga buhi, haligi ug patukuranan sa kamatouran, mao ba kini ang gitubos ni Cristo sa Iyang dugo?
Tubag:
    Buhat 20:28 - Oo, gipalit niya kini sa Iyang Dugo

Pangutana
#136. Kay mao man ang Iglesia sa Dios, ang tawo nga luwason sa Ginoo idugang ba kini sa  Iglesia?
Tubag:
    Buhat 2:47 - Oo, sa kada-adlaw ginadugang sila sa Iglesia

Pangutana
#137. Mao ba kini ang pundok diin nahisakop ang mga taga-Corinto?
Tubag:
    I Corinto 1:2 - Iglesia sa Dios nga anaa sa Corinto.

Pangutana
#138. Mao ba kini nga Iglesia ang nagahulat kang Cristo?
Tubag:
    I Corinto 1:7 - Nga nagahulat sa pagpadayag sa atong Ginoong Jesucristo.

Pangutana
#139. Mao ba kini nga Iglesia ang gilutos kaniadto ni Pablo ug gisaysayan nga adunay pagkabanhaw?
Tubag:
    I Corinto 15:9, 23 - Oo, gilutos niya kini.

PAGPAHAYAG:
    Tungod kay ang “Iglesia sa Dios” mao man ang nagpaabut sa Ginoo, sa pag-abut usab sa Ginoo, kadtong mga Iya nga nagpaabut mao usab ang pagabanhawon.

Pangutana
#140. Giunsa pagbahin ni Pablo ang katawohan, dinhi sa Bag-ong Tugon?
Tubag:
    I Corinto 10:32 - pinaagi sa Hudio, Gentil ug Iglesia sa Dios.

Pangutana
#141. Niining tolo ka pundok, asa si Pablo kaniadto nahisakup sa wala pa siya mahimong apostol?
Tubag:
    Galacia 1:13 - Kaniadto sa tinohoan sa mga Judio.

Pangutana
#142. Nabatasan ba sa Iglesia sa Dios ang panaglalis?
Tubag:
    1 Corinto 11:16 - Dili batasan sa Iglesia ang panaglalis

Pangutana
#143. Sa diha nga mga taga-Corinto naghimo sa Balaang Panihapon nga wala magkadimao, kinsa ang naulawan ug ginamatay?
Tubag:
    1 Corinto 11:20, 22 - ang pundok kon Iglesia sa Dios.

Pangutana
#144. Sa sulat usab ni apostol Pablo ngadto sa maga taga- Tesalonica, sa kang kinsa sila miawat?
Tubag:
    I Tesalonica 2:14 - miawat sila sa Iglesia sa Dios sa Judea.

Pangutana
#145. Kay nahimo man sila nga maawaton sa mga Iglesia sa Dios sa Judea, nahimo ba usab silang solundan?

Tubag: 

    I Tesalonica 1:7 - Nahimo kamong panig-ingnan sa tanang mga nanagtoo.

Pangutana

#146. Sa unsa nga paagi sila nahimong solundan?

Tubag:      I Tesalonica 1:8 - Kondili sa tanan nga dapit ang inyong pagtoo sa Dios nasangyaw.

Pangutana

#147. Ingon nga mikaylap man ang pulong sa Ginoo pinaagi kanila ug ang ilang pagtoo nadungog man sa tanang dapit, unsa ang namatikdan ni Pablo nga  ilang kinaiya?

Tubag:     II Tesalonica 1:4 - Nag-antus ang Iglesia sa Dios sa tanang paglutos.

Pangutana
#148. Unsa nga Iglesia ang gitugon ni Pablo ngadto kang Timoteo nga atimanon?

Tubag:     I Timoteo 3:5 - Ang “Iglesia sa Dios.”

Pangutana

#149. Giunsa pagpahayag ni apostol Pablo sa iyang kaugalingon ngadto sa mga taga-Corinto?

Tubag:     II Corinto 1:1 - Nga siya tinawag sa Dios ingon nga Apostol alang sa Iglesia sa Dios sa Corinto

PAGPAHAYAG: 

    Niini nga pagtoon adunay napulog-duha ka mga texto nga nagpahayag sa ngalan nga “Iglesia sa Dios.” Kini maoy iglesia nga gitukod ni Cristo ug Siya maoy manluluwas niini. (Efeso 5:23).