Ang paghari .. Anus-a? Asa?

    Maayong balita kini alang kanimo. Mahimo kang hari ugma. Usa ka talagsaong katungdanan nga mabatonan sa mga linuwas! Apan asa? Anus-a? Unsa ka dugay?

MGA PANGUTANA

Pangutana
#361. Unsa man ang gisulti sa manolonda Gabriel kang Maria mahitungod sa bata nga iyang igaanak?
Tubag:
    Lucas 1:31-33 - nga manamkon ug manganak ug mahimong Anak sa Hataas Uyamut ug magahari sa ... walay katapusan.

Pangutana
#362. Aduna bay mga pagpamatoud nga nahasulat sa mga basahon sa Daang Tugon mahitungod sa paghari ni Ginoong Jesus diha sa trono ni David?
Tubag:
    Salmo 67:4 - Ug pagaharian ang mga kanasuran sa yuta
    Zacarias 14:9 - Si Jehova magahari sa tibook nga yuta.
    Isaias 9:6, 7 - Ibabaw sa trono ni David
    Jeremias 23:5 - Ug siya magahari ingon nga hari, dinhi sa yuta.

Pangutana
#363. Ingon nga gipamatud-an sa mga balaang profeta sa Dios nga si Ginoong Jesus, magahari dili lamang sa balay ni Jacob kondili sa tibook nga yuta, kinsa man ang kauban Niya?
Tubag:
    Bugna 20:4, 6 - Ang mga trono ug sila nanglingkod niini, ug gihatag kanila ang paghukom, sa mananap nga mapintas, ug sila nangabuhi ug nanaghari uban kang Cristo sulod sa usa ka libo ka tuig, ang may pag-ambit sa nahauna nga pagkabanhaw, kondili sila mangahimong mga sacerdote sa Dios ug ni Cristo, ug magahari sila uban kaniya sa usa ka libo ka tuig

Pangutana
#364. Unsa man ang atong pagabuhaton karon aron mahimong hari kauban ni Cristo?
Tubag:
    Bugna 2:26,27 - Makadaug ug ang magatipig sa akong mga buhat hangtud sa katapusan.

Pangutana
#365. Pila ka tuig maghari ang mga balaan kauban ni Cristo?
Tubag:
    Bugna 20:6 - Ug magahari sila uban kaniya sa 1000 ka tuig.

Pangutana
#366. Asa man ang mga balaan magahari kauban ni Cristo?
Tubag:
    Bugna 5:10 - Dinhi sa Yuta Dili sa Langit

Pangutana
#367. Sa dili pa magahari ang Ginoo kauban sa mga balaan, unsa man ang buhaton Niya sa mga nasud nga mianha batok sa Jerusalem?
Tubag:
    Zacarias 14:2, 3 - Jehova moasdang, ug makig-away batok niadtong mga nasud.
    Bugna 19:11-16 - Nagahukom ug nagapanggubat, Ug sa iyang baba nagagula ang usa ka espada nga mahait, aron uban niini panigbason niya ang kanasuran.
    Daniel 7:27 - igahatag ngadto sa katawohan sa mga balaan.

Pangutana
#368. Kinsa man ang kauban ni Cristo sa pagpakiggubat sa mga nasud?
Tubag:
    Bugna 17:14 - Ang mga kauban niya mga tinawag, ug mga pinili ug mga matinumanon

Pangutana
#369. Kinsa man ang magapatay sa “Tawo sa Sala” sumala sa sinulat ni apostol Pablo sa mga taga-Tesalonica?
Tubag:
    2 Tesalonica 2:8 - Pagapatyon sa Ginoo.

Pangutana
#370. Unsa man ang buhaton sa manolonda mahitungod sa Yawa kun Satanas nga mao ang naglimbong ug nagpasalaag sa mga katawohan?
Tubag:
    Bugna 20:1-3 - Ug gidakop niya ang dragon, kadtong daan nga bitin, nga mao ang Yawa ug Satanas, ug gigapu niya sulod sa usa ka libo ka tuig. Iyang gitambog siya sa kahiladman sa nga dili matugkad.

Pangutana
#371. Sa diha nga madaug na ni Cristo ang Iyang mga kaaway, unsa man dayon ang mga tingog nga misunod sa pagbudyong sa ikapitong manolonda?
Tubag:
    Bugna 11:15 - Ang gingharian sa kalibutan nahimong iya sa atong Ginoo, ug sa iyang Cristo.

Pangutana
#372. Aduna bay mga tawo nga mahibilin niining dakung gubat, ug unsa ang ilang pagabuhaton? 
Tubag:
    Zacarias 14:16 - Ang tanang manghibilin sa tanang mga nasud nga mianha batok sa Jerusalem, moanha sa tagsatagsa ka tuig sa pagsimba sa Hari.

Pangutana
#373. Kay magahari man ang mga balaan kauban ni Cristo, asa man ipahaluna ang Iyang gingharian?
Tubag:
    Daniel 2:44 - ibabaw sa mga gingharian sa yuta

Pangutana|
#374. Unsa man ang pagabuhaton sa Ginoo sa tabernaculo ni David nga napukan?
Tubag:
    Buhat 15:16 - Pagatukuron ko pag-usab ang tabernaculo ni David, nga napukan.
    Amos 9:11 - Akong patindugon ang tabernaculo ni David nga napukan.

Pangutana
#375. Unsa ang buhaton sa Ginoo niadtong mga nasud nga dili moadto sa Jerusalem sa pagsimba Kaniya?
Tubag:
    Zacarias 14:17 - Dili hatagan ug ulan

Pangutana
#376. Human ang usa ka libo ka tuig nga paghari sa mga balaan kauban ni Cristo, unsa man ang buhaton sa Ginoo sa Yawa?
Tubag:
    Pinadayag 20:7-10 - Si Satanas pagabuhian gikan sa iyang bilanggoan, ang yawa nga nagpahisalaag kanila gitambog ngadto sa linaw nga kalayo. 

Pangutana
#377. Sa dihang mawagtang na ni Cristo ang tanang pagbulot-an ug ikabutang na Niya ilalum sa Iyang mga tiil ang Iyang mga kaaway, unsa man dayon ang sunod nga mga panghitabo?
Tubag:
    I Corinto 15:24-26 - Moabut ang katapusan, sa diha igatugyan niya ang gingharian ngadto sa Dios, ug Amahan.

Pangutana
#378. Sa unsang katuyoan ang pagtugyan ni Cristo sa gingharian ngadto sa Amahan?
Tubag:
    I Corinto 15:28 - Aron ang Dios mamao ang tanan sa tanan.