Ang pagpamatik sa 144,000

    Daghang mga nagkalainlaing pagtolon-an ang mikuyanap mahitungod sa 144,000. Ang uban nanagtoo nga kini mao ang mga tawo nga mohari didto  sa langit ug nakakaon sa tinapay nga walay patubo, panahon sa Balaang Panihapon sa Ginoo. Kinsa man diay gayud kini sila? Ang mga pangutana ning mga mosunod motug-an kong kinsa sila.

MGA PANGUTANA

Pangutana
#205. Unsa ang panan-awon nga gipakita ngadto kang apostol Juan nga kinahanglan nga dili usa mahitabo?
Tubag: 
    Bugna 7:2, 3 - Dili ninyo pag-among-amongan ang yuta, ni ang dagat, ni ang kakahoyan, hangtud nga mapatikan namo ang mga ulipon sa atong Dios diha sa ilang mga agtang.

Pangutana
#206. Kining mga “ulipon sa Dios” nga pagapatikan, kinsa man kini sila?
Tubag: 
    Bugna 7:4 - sa tanang mga banay sa mga anak sa Israel.
    Efeso 4:30 - Nga diha kaniya gipatikan kamo sa mga anak alang sa adlaw sa pagtubos.

PAGPAHAYAG: 
    Ang mga ulipon sa Dios nga pagapatikan naglangkob sa Israel ug Gentil.

Pangutana
    #207. Alang sa 12 ka banay sa mga anak ni Israel, tagpila ka libo ang gipatikan?
Tubag: 
    Bugna 7:5-8 - Juda             =    12,000
                                   Simeon       =    12,000

                                   Ruben         =    12,000

                                   Levi            =    12,000

           Gad            =    12,000 

                                   Issachar    =    12,000

           Aser            =    12,000 

                                   Zebulon    =    12,000

                   Nephtali    =    12,000

                         Jose              =    12,000

                        Manases    =    12,000

                                   Benjamin   =    12,000

TOTAL    =    144,000

Pangutana

#208. Nganong puro Israelihanon man ang napatikan? Nganong wala may Gentil nga nahasagol sa 144,00?

Tubag: 

    Mateo 10:5, 6 - Kay giuna man ang taga-Israel

Pangutana

#209. Tungod kay unahon man sila, pila ka mga Judio ang nabautismohan sa adlaw sa Pentecostes?

Tubag: 

    Buhat 2:36-41 - Ang tibook nga balay ni Israel, may 3,000 nga kalag.

Pangutana

#210. Ang pundok diin nahidugang ang tolo ka libo ka mga kalag, pila pa man sila kaniadto?

Tubag: 

    Buhat 1:13-15 - 120 ra sila kabouk kaniadto

Pangutana

#211. Gawas niining tolo ka libo ka mga tawo nga mga Israelihanon, nagpadayon ba nga adunay pagdugang sa maong pundok diin sila nahisakop?

Tubag: 

    Buhat 2:47 - Oo, may ginadugang sa matag-adlaw

PAGPAHAYAG:

    Dinhi atong nakita nga ang ginaluwas sa Ginoo idugang gayud sa ilang pundok. Sa Engles (KJV) atong mabasa sa ingon niini: “And the Lord added to the Church (Iglesia) such as should be saved.”

Pangutana

#212. Sa nagpadayon sila si apostol Pedro pagwali ngadto sa mga Judio, unsa ang ilang gimensahe?
Tubag: 
    Buhat 3:19-21 - Giwali ang paghinulsol, si Cristo ug ang Pagpasig-uli sa tanang butang kon Milenyo

PAGPAHAYAG: 

    Dinhi giwali usab ang “milenio” kun pagpahiuli sa tanang mga butang pinaagi kang Cristo.

Pangutana

#213. Sa usa ka higayon pila man usab ang mingtoo sa mensahe nila ni apostol Pedro?

Tubag: 

    Buhat 4:4 - Ang gidaghanon sa mga lalake mikabat sa  doul sa 5000 kabouk.

PAGPAHAYAG: 

    Atong timan-an pag-ayo nga kining ilang mga kinabig wala pay mga Gentil nga nahasagol. Pulos kini mga anak ni Israel kay mao may gitugon kanila sa Ginoo nga unahon sila (Mateo 10:5, 6).

Pangutana

#214. Nagpadayon ba pagsanay ang mga magtotoo diha sa mga anak ni Israel?

Tubag: 

    Buhat 6:7 - Oo, perting pagsanay diha sa Jerusalem.

Pangutana

#215. Sa dihang miabut na ang pagpanglutos ni Saulo sa Iglesia nga atua sa Jerusalem, unsa ang nahitabo sa mga magtotoo?

Tubag: 

    Buhat 8:1 - Nagkatibulaag sila sa Judea ug Samaria

Pangutana

#216. Kadtong Iglesia nga didto sa Jerusalem nga gilutos ni Saulo, unsay ngalan niadto?

Tubag: 

    Galacia 1:13 - Mao ang “Iglesia sa Dios”

PAGPAHAYAG: 

    Angay natong masayran nga ang ngalan sa ilang pundok nga gipasakupan mao ang Iglesia sa DIos. Diha nahimong apostol ang manlulutos nga mao si Saulo (1 Corinto 15:9). Sa walay duhaduha ang pundok diin ginadugang sa Ginoo ang ginaluwas sa Buhat 2:47, mao ang pundok nga gitawag: “Iglesia sa Dios.” Ang motoo sa mensahe niini nga Iglesia ug magpabautismo adunay kaluwasan.”

Pangutana

#217. Ang ilang pagkatibulaag mao bay hinungdan nga dili na sila makawali sa Maayong Balita?

Tubag: 

    Buhat 8:4 - Dili. Misamot hinoun sila ug wali sa mga dapit.

    Buhat 11:19 - Ang mga Judio lamang ang ilang giingnan.

PAGPAHAYAG: 

    Kini nga pagkatibulaag nila walay labut ang mga apostoles sumala sa Buhat 8:1. Busa ang mga ordinaryong myembro sa Iglesia sa Dios mao ang naningkamot niini ug nagmalampuson ang ilang pagwali sumala sa Buhat 11:21. Apan atong hinumduman nga ang giwalihan nila sa pulong niining panahona mao lamang ang mga Judio.

Pangutana

#218. Sa natawag na si Pablo aron mahimong apostol alang sa Iglesia sa Dios (1 Corinto 1:1, 2; 2 Corinto 1:1), kinsa ang giuna nila pagmantala?

Tubag: 

    Buhat 13:46 -Giuna gihapon niya ang mga taga-Israel

Pangutana
#219. Sa didto na siya sa Roma ingon nga binilanggo, nahibalo ba ang mga Judio didto nga may pundok diin si Pablo nahisakop nga lahi na sa ilaha?

Tubag: 

    Buhat 28:22 - Oo, kay matud nila nahibalo sila.

Pangutana

#220. Mingtoo ba ang tanan?

Tubag: 

    Buhat 28:24 - Apan ang uban wala managtoo.

Pangutana

#221. Kay ang uban wala na man motoo, unsa ang tagna nga natuman sumala sa gikutlo ni Pablo?

Tubag: 

    Buhat 28:25-27 -Nagpabaga sa ilang kasingkasing ug nasirad-an ang ilang igdulungog.

Pangutana

#222. Kay natuman na man ang tagna ni manalagna Isaias, asa man gipadala ang Maayong Balita alang sa kaluwasan?

Tubag: 

    Buhat 28:28 - Kining kaluwasan sa Dios gipadala ngadto sa mga Gentil.

Pangutana

#223. Si Jacobo nahibalo ba nga nakakabig sila gikan sa napulo ug duha ka banay sa mga anak ni Israel?

Tubag: 

    Santiago 1:1, 2 - Oo, kay gipangomosta ni Apostol Pablo ang 12 ka banay.

Pangutana

#224. Unsa ang iyang pag-ila niini kanila?

Tubag: 
    Santiago 1:18 - Mahisama kita sa unang mga bunga.

Pangutana

    # 225. Nagkauyon ba ang pamatoud ni Santiago ug gipakita ngadto kang apostol Juan nga kini sila mga inunahang bunga?

Tubag: 

    Bugna 14:4 - Oo, kay gihisgutan kini ni Apostol Juan usab.

PAGPAHAYAG: 

    Karon atong nasayran nga ang pagpamatik sa 144,000 nahuman na sa unang siglo Gisugdan sa unang mga tinon-an ug gitapus nila ni Pablo. Ang pulong “inunahang bunga”  wala magpasabut nga karon kini patikan o sa umalabot. Dili matawag nga inunahang bunga kung kini ipaulahi.