Ang patukoranan sa matoud nga iglesia

    Ang Dios nagtukod sa Iyang Iglesia pinaagi kang Cristo (Hebreohanon 3:4). Ang Amahan dili magabuhat ug bisan unsa kondili pinaagi sa Anak. Mao kanay usa sa mga hinungdan ngano nga gipadala sa Dios Amahan ang Iyang Anak dinhi sa kalibutan. Sa gitukod Niya ang Iglesia asa Niya gitukod? Kinsa ang patukoranan niini? Sunda ang mga “Pangutana ug Tubag” aron sa pagsusi niining tanan.

MGA PANGUTANA

Pangutana
#170. Mahitungod sa Iglesia. Asa kini Gitukod?
Tubag:
    Mateo 16:18 - Sa ibabaw sa Bato.

Pangutana
#171. Kay sa ibabaw man sa bato, Kinsa kini Siya o batoha diin maoy gitukoran sa Iglesia?
Tubag:
    I Corinto 3:11 - Si Jesus Cristo

Pangutana
#172. Mao ba usab gihapon ang pamatoud ni apostol Pedro, ingon nga siya mao ang gikasulti sa Ginoo?
Tubag:
    Buhat 4:8, 11 - Oo, si Pedro nag-ingon, “kini mao ang bato, nga gisalikway ninyo nga mga magtutukod, nga mahimong pangulong bato sa pamag-ang.

Pangutana
#173. Si Salmista David nagsaysay ba usab niadtong bato nga gitagna nga patukoranan?
Tubag:
    Salmo 118:22 - Oo, matud niya “bato nga gisalikway sa mga magtutukod nahimo nga pangulo sa pamag-ang.”

Pangutana
#174. Kay Siya man ang bato nga gitagna, kinsa ang nagbutang Kaniya aron mahimong Batong Patukoranan?
Tubag:
    Isaias 28:16 - Mao kini ang giingon ni Jehova, ania karon gibutang ko didto sa Sion alang sa usa ka patukoranan ang usa ka bato.

PAGPAHAYAG:

    Adunay uban nagtoo nga ang Dios nga Amahan mao ang bato nga patukoranan. Apan niini nga texto ang Espiritu Santo naggiya kang Isaias sa pagsulat, nagtug-an kanato nga ang nagpahamutang mao si Jehova (Dili kini ang Jehova nga referido sa Anak), ug ang gipahamutang mao si Ginoong Jesus. (Ang Giya Numero 30 mosaysay bahin sa Jehova nga nakita sa Daang Tugon).

Pangutana

#175. Sa nagsulat si apostol Pedro, mao bay iyang pagtoo nga ang patukoranan nga bato mao si Ginoong Jesus?

Tubag: 

    1 Pedro 2:4, 6 - Oo, matud niya “Sa batong buhi, nga, sa pagkamatoud, gisalikway sa mga tawo, Ania karon, igabutang ko sa Sion ang usa ka pangulo nga bato sa pamag-ang, pinili, hamili; ug ang motoo kaniya, dili maulawan.

Pangutana

#176. Sa pagsulti sa Ginoo: “Niining bato pagatukoron ko ang akong Iglesia;” kang kinsa kadtong pulong nga migawas sa Iyang baba?

Tubag:
    Juan 14:24 - Iya kadto sa Amahan, Dili kang Jesus lamang.

Pangutana
#177. Kay iya man kadto sa Amahan, ang Iglesia nga gitukod hinganlan ba sa ngalan sa Anak?

Tubag: 

    Efeso 3:14, 15 - Dili. kondili sa Amahan diin ginganlan ang tanang banay sa yuta.

Pangutana

#178. Unsa ang bahin sa patukoranan nga napahimutangan ni Cristo?

Tubag: 

    Efeso 2:20, 21 - Pangulo sa Batong Pamag-ang

Pangutana

#179. Sa laing bahin, Nganong naapil man ang mga apostoles ug mga manalagna?

Tubag: 

    Efeso 3:5 - kay Ginabugna niya sa iyang mga balaan nga apostoles ug mga manalagna pinaagi sa Espiritu.

PAGPAHAYAG: 

    Mao kini ang katarungan nga ang matoud nga Iglesia dili na magbutang ug modernong mga apostoles ug modernong mga manalagna, tungod kay ang kompletong plano sa Dios gipadayag na man kanila pinaagi sa Espiritu Santo. Pinaagi niini misulat sila sa Balaang Kasulatan nga mao ang gisunod karon ingon nga malig-ong patukuranan sa Iyang Iglesia.