Ang plano sa Dios sa Israel

    Sa Daang Tugon ang Dios adunay katawhan nga Iyang gigamit nga maoy mopaila Kaniya nga adunay matoud nga Dios ang kalibutan. Sa mga panid sa mga kasaysayan naila na kaayo nga ang piniling katawohan mao lang ang may matoud nga Dios. Kini napaila sa mga katingalahang gibuhat sa Dios taliwala kanila.

MGA PANGUTANA

Pangutana
#180. Kinsa man ang piniling katawhan sa Daang Tugon?
Tubag:
    I Cronicas 16:13 - Mga anak ni Jacob O Israel

Pangutana
#181. Unsay tuyo nganong Iyang gipili sila?
Tubag:
    Deuteronimio 7:6-8 - Aron nga mahimo ikaw nga usa ka katawohan nga iyang panag-iyahan, kamo mao ang labing diyutay sa tanang katawohan...

Pangutana
#182. Unsa man ang gitugon sa Dios sa mga Israelihanon diha sa mga pag-alagad nila sa Dios?
Tubag:
    Deutronomio 28:14, 15 - Dili ka motipas gikan sa tanan nga mga pulong nga ginasugo ko kaninyo niining adlawa, ngadto sa too ni sa wala, nga kining tanan nga mga panunglo moabut kanimo ug modangat kanimo.

Pangutana
#183 Sa diha nga ang Israel mitipas sa dalan sa Dios ug wala nagmatinumanon sa Iyang sugo, unsa man ang nahitabo kanila?
Tubag:
    II Cronicas 36:15-18 - Busa iyang gipadala kanila sa hari sa Caldeahanon, nga mipatay sa ilang mga batan-ong lalake, iyang gitugyan silang tanan ngadto sa iyang kamot.

Pangutana
#184. Pila ka tuig ang Israel nahimong binihag sa Babilonia?
Tubag:
    Jeremias 25:11 - Kapitoan ka tuig kon 70 ka tuig

Pangutana
#185. Nahimo ba nga awaaw ang yuta sa Israel niining tungora?
Tubag: 
    Jeremias 4:23-27 - Ania karon, kini awaaw, walay tawo, nahimong kamingawan, ang tibook nga yuta mahimong biniyaan.

Pangutana
#186. Human sa 70 ka tuig nga pagkabinihag sa Israel sa Babilonia, aduna bay saad ang Dios nga pabalikon sila sa ilang kaugalingong yuta?
Tubag: 
    Jeremias 27:22 - Oo, papaulion sila sa Dios sa maong dapit

Pangutana
#187. Gitukod ba nila pagbalik ang Jerusalem sa ilang paghiuli gikan sa pagkabinihag sa Babilonia?
Tubag: 
    Daniel 9:25 - Oo, gitukod nila pagbalik

Pangutana

#188. Sa dihang nahibalik na ang Israel sa ilang kaugalingong yuta, nagpadayon ba sila sa pagkamatinumanon sa mga kabalaoran sa Dios?

Tubag: 

    Nehemias 13:17, 18 - Wala, kay ilang gilapas ang Adlaw’ng Igpapahulay

Pangutana

#189. Sa dinhi pa si Cristo, unsa man ang gisulti Niya bahin sa umalabot nga katalagman sa Israel?

Tubag: 
    Lucas 21:24 - “Sila mangahulog sa sulab sa hinagiban, ug sila pagadad-on nga mga bihag ngadto sa tanang mga nasud;  pagatamakan sa mga Gentil”

Pangutana

#190. Kanus-a man natuman kining pagkapatlaag nila ngadto sa tanang mga nasud?

Tubag: 

    Natuman kini sa panahon ni General Tito nga iyang gisulong ang Jerusalem sa tuig 70 AD/CE (history)

Pangutana

#191. Aduna bay tagna sa Israel nga pabalikon sila sa ilang kaugalingong yuta?

Tubag: 

    Ezequiel 37: 21 - Oo, kay miingon ang Dios “Kuhaon ko Sila ug panad-on sa kaugalingong yuta”

Pangutana

#192. Unsa man ang pagabuhaton sa Dios sa Israel sa diha nga kuhaon sila gikan sa mga nasud?

Tubag: 

    Ezequiel 37:22 - Buhaton sila nga usa ka nasud.

Pangutana

#193. Kon mahimo nag nasud ang Israel, Maluka paba?

Tubag:

    Amos 9:14, 15 - Dili na sila maluka pag-usab.

PAGPAHAYAG: 

    Ang Israel nahimong nasud niadtong Mayo 14,1948. Niini diin na sila maluka pag-usab sumala sa gipanagna ni manalagna Amos.