Ang plano sa kaluwasan

    Ingon nga ang kamatayon naghari sukad pa kang Adam hangtud kang Moises, ug ngadto sa tanan (Roma 5:14); ang Dios may paagi nga ang Iyang mga binuhat matubos Niya gikan sa yanang sa sala pinaagi sa pagpakamatay sa Iyang bugtong Anak.

MGA PANGUTANA

Pangutana
#26. Sa Unsang paagi gipadayag sa Dios ang Iyang gugma?
Tubag:
    1 Juan 4:9 - Gisugo sa Dios ang iyang bugtong nga Anak nganhi sa kalibutan.
    Juan 3:16 (revised) - Gihatag niya ang iyang bugtong Anak.

Pangutana
#27. Kay ang tanan nga motoo sa Iyang Anak may kinabuhi man nga dayon, ang dili motoo Unsa man ang ilang dangatan?
Tubag:
    Juan 3:18 (Revised) - Mahinukman sa silot silang dili motoo.

Pangutana
#28. Kay gikinahanglan man gayud nga motoo kita sa Iyang Anak, Unsa man ang paagi nga kita maluwas?
Tubag:
    Roma 10:13 - Bisan kinsa nga magatawag sa ngalan sa Ginoo.

Pangutana
#29. Ang pagsangpit sa Iyang ngalan sa walay pagbuhat sa iyang ginaingon, igo na ba?
Tubag:
    Lucas 6:46 - Dili pa igo ang sige ug sampit mas maayo pang magbuhat sa kabubut-on sa Amahan sa Langit.

Pangutana
#30. Unsa pa ang pagabuhaton sa tawo aron maka-angkon sa iyang ginaingon, igo na ba?
Tubag:
    Mateo 19:17 (Revised) - Kon gusto kang mosulod sa kinabuhi, bantayi ang mga sugo.

PAGPAHAYAG:
    Kining dato nga ulitawo nakaila na sa Ginoong Jesus, Ang iyang pagsangpit kaniya o papakisayud, nagpaila nga buot usab siya nga mobaton sa kinabuhing dayon.

Pangutana
#31. Kining plano sa kaluwasan may bayad ba?
Tubag:
    Bugna 22:17 - Walay bayad libre kini

Pangutana
#32. Kay giagda man ang tanan, kadto manumbaling o modawat, Unsa ang giingon sa Ginoo?
Tubag:
    Juan 10:27 - Sila tanan monunot kang Jesus Cristo ug magpatalinghug kaniya.

Pangutana
#33. Kadto usab nga dili motoo o dili modawat, carnero ba gihapon sila sa Ginoo?
Tubag:
    Juan 10:26 - Dili sila mga carnero sa Ginoo.

Pangutana
#34. Ang carnero nga gihatag sa Amahan kaniya aduna bay makaagaw?
Tubag:
    Juan 10:28 - Walay bisan kinsa nga makaagaw kanila.

Pangutana
#35. Aduna pa ba Siyay mga carnero nga wala sa Iyang toril?
Tubag:
    Juan 10:16 (unang bahin) - Ako adunay uban nga mga carnero, nga wala niining torila.

PAGPAHAYAG:
    Karon ato na nga nahibaloan nga aduna diay toril nga nahimutangan sa Iyang mga carnero. Kadtong mga carnero Niya nga wala pa sa Iyang toril Iya usab nga pagatawagon.

Pangutana
#36. Unsa man ang ngalan sa toril nga gibutangan sa Iyang mga carnero?
Tubag:
    II Corinto 1:1 - Iglesia sa Dios.

Pangutana
#37. Ang toril kon Iglesia nga dili lawas ni Cristo, moluwas ba gihapon ang Ginoo kanila?
Tubag:
    Efeso 5:23 - Si Cristo usab mao ang ulo sa Iglesia, sanglit siya mao ang Manluluwas sa lawas.

Pangutana
#38. Kay ang Iyang mga linuwas anaa naman sa Iglesia, kadtong anaa sa gawas nga dili mosulod, unsa ang buhaton sa Dios kanila?
Tubag:
    1 Corinto 5:13 (unang bahin) - Apan sa mga atua sa gawas ang Dios nagahukom.

Pangutana
#39. Busa aron dili mahinukman, unsa ang angay buhaton sa tawo?
Tubag:
    Hebreohanon 10:21, 22 (revised) - Busa manoul kita sa Dios uban ang matinouron nga kasingkasing.

Pangutana
#40. Kay giingon man sa nagsulat nga “manoul kita,” Kinsa kining Labawng Sacerdote nga nagadumala sa Balay sa Dios?
Tubag:
Hebreohanon 3:1 - Apostol ug Labawng Sacerdote, nga mao si Hesus.

Pangutana
#41. Unsa kining Balay sa Dios diin si Ginoong Jesus nahimong Labawng Sacerdote ug Apostol?
Tubag:
    1 Timoteo 3:15 - Balay sa Dios, nga mao ang Iglesia sa Dios.

Pangutana
#42. Kining Iglesia sa Dios, sa unsa kini natubos?
Tubag:
    1 Pedro 1:18, 19 - bililhon nga dugo ni Cristo.

Pangutana
#43. Giunsa sa pagpahayag ni San Lucas kining mga tawo nga gitubos sa dugo ni Cristo?
Tubag:
    Buhat 20:28 - Gitawag na sila ug mga Iglesia sa Dios.

Pangutana
#44. Kini ba nga Iglesia mao ang gilutos kaniadto ni Pablo?
Tubag:
    Galacia 1:13 - Kong giunsa ko paglutos sa hilabihan gayud ang Iglesia sa Dios.

Pangutana
#45. Giwali ba usab niya kini nga Iglesia?
Tubag:
Galacia 1:23 - Oo, nagamantala siya sa pagtoo nga kaniadto iyang gilaglag.

Pangutana
#46. Kay giwali man usab niya ang Iglesia nga kaniadto iyang gilutos, mao ba kini ang gitugyanan sa bulohaton sa pagpasig-uli?
Tubag:
    II Corinto 5:20 - Oo, tinugyanan kamo tungod kang Cristo.

Pangutana
    #47. Karon kay gipiyal man kanila ni Pablo nga apostol sa Iglesia sa Dios, ang mga Gentil nga makabig, maglain bag tukod ug ilang kaugalingong Iglesia?
Tubag:
    Efeso 3:6 - Mga masigka-manununod ug mga masig-kauban sa mao nga lawas.

PAGPAHAYAG: 

    Maoy tuyo sa Dios nga ang tawo mapasig-uli ngadto Kaniya pinaagi kang Cristo. Sila si apostol Pablo kaniadto ang gitugyanan niini. Kini napahayag na sumala sa iyang sulat ngadto sa mga taga-Efeso. Mao kini ang plano sa Dios sa tawo aron mapasig-uli ngadto Kaniya. Kinahanglan nga mahimo siyang bahin sa mao ra gihapon nga lawas. Ang Iglesia sa Dios. Dili kay magtukod ug pundok nga molahi sa pundok diin sila si apostol Pablo nahisakup.