Kinsa ang Jehova nga nakita sa daang tugon?

    Kadaghanan, samtang ang tawo nagabasa sa Daang Tugon, wala makaalinggat kung kinsa ang “Jehova” nga nagpakita sa mga ginikanan: Abraham, Isaac, Jacob, ni Moises ug sa ubang mga tawo sa Biblia. Usahay adunay mga bahin nga nagreferido sa Amahan; ug usahay usab sa Dios nga makita nga mao si Ginoong Jesus. Apan dili pa Siya maganlan, “Jesus” nianang panahona, kay kana nga ngalan, nabatnan man lang Niya sa Iyang pagkatawo (Lucas 1:32).

    Tungod lagi kay ang “Jehova” nga mabasa sa Daang Tugon gitohoan man nga mao ang nagpakatawo, nagpakamatay, ug mobalik pagusab, gihatagan dayon ug conclusion nga ang Amahan mao ra ang Anak ug ang Anak mao ra usab ang Amahan. Niini nga pagtoon atong msatngonan pag-ayo nga dili tanang “Jehova” nga mabasa sa Daang Tugon referedo na lang sad ang Ginoo Jesus.

MGA PANGUTANA

Pangutana
#422. Mahitungod sa Dios nga Amahan, aduna bay tawo nga nakakita?
Tubag:
    I Juan 4:12 - Wala pa gyuy tawo nga nakakita sa Dios.
    I Timoteo 6:16 - Kaniya walay bisan kinsang tawo nga nakakita, bisan arang makakita.

Pangutana
    #423. Ingon nga ang Dios nga Amahan wala may tawo nga nakakita Kaniya, aduna bay Dios nga nakita sa mga tawo sa Daang Tugon?
Tubag:
    Exodo 24:9, 10 - Nakakita sila sa Dios sa Israel.

Pangutana
#424. Kay nakita man nila ni Moises ang Dios sa Israel mao ba usab kini ang mihatag kanila sa Napulo ka Mga Sugo?
Tubag:
    Exodo 24:12 - Igahatag ko kanimo ang mga papan nga bato.

Pangutana
#425. Kadtong Jehova nga Dios nga ilang hingkit-an, sa wala pa kini mahitabo, giunsa Niya pagpaila ang Iyang kaugalingon ngadto kang Moises?
Tubag:
    Exodo 3:13-15 -

Pangutana
#426. Sa wala pa mipakita ngadto kanila ni Moises, kining Jehova nga Dios, mipakita ba usab kini ngadto kanila ni Abraham?
Tubag:
    Exodo 6:3 - Ug ako mipakita kang Abraham, kang Isaac, ug kang Jacob.

Pangutana
#427. Asa ang usa ka panghitabo nga mipakita ang Dios ngadto kang Abraham?
Tubag:
    Genesis 18: 1-3; 9, 12, 13, 22 - Si Jehova mitungha kang Abraham sa kakahoyan sa Manre....ug si Abraham nagtindog pa sa atubangan ni Jehova.

PAGPAHAYAG:
    Ang 3 ka mga tawo nga iyang bisita ang duha mitipas ngadto sa laing agianan, samtang si Abraham nagtindog pa sa atubangan ni Jehova nga nagahangyo nga dili unta pagalaglagon ang ciudad sa Sodoma. Kadtong duha ka tawo nga mitipas nahiabut sila ngadto kang Lot ug nailhan nga mga manolonda (Genesis 19:1). Busa ang tutulo ka mga bisita ni Abraham nga iyang giabi-abi (Genesis 18:1-8), ang usa mao si Jehova ug ang duha, mga manolonda.

Pangutana
#428. Asa usab ang usa ka panghitabo nga mipakita si Jehova nga Dios kang Isaac?
Tubag:
    Genesis 26:2, 6 - Ug mitungha kaniya si Jehova. 

Pangutana
#429. Asa usab ang usa ka panghitabo nga mipakita si Jehova nga Dios kang Jacob?
Tubag:
    Genesis 32:30 - Nakita ko ang Dios sa nawong ug nawong.

Pangutana
#430. Giunsa pagpahayag ni Cristo nga Siya nakakita ug nakita ni Abraham?
Tubag:
    Juan 8:56-58 - Nalipay sa pagtan-aw sa akong adlaw, nakakita ka na kang Abraham? Sa wala pa matawo si Abraham, mao na ako.

Pangutana
#431. Unsa man ang dugang pahayag ni Ginoong Jesus mahitungod sa Iyang Amahan?
Tubag:
    Juan 5:37 - Kamo wala makadungog sa iyang tingog sa bisan unsang panahon, bisan makakita sa iyang pamayhon. 

Pangutana
#432. Si manalagna Isaias nagtagna bahin sa isinggit ni Juan Bautista, unsa man kini?
Tubag:
    Isaias 40:3 - “Andama ninyo sa kamingawan ang Dalan ni Jehovah...”

Pangutana
#433. Sa panahon ni Juan, Natuman ba kining gitagna ni Isaias?
Tubag:
    Marcos 1:1-3 - Oo. ug nagasinggit gayud si Juan niini.

Pangutana
#434. Sa laing bahin, moasdang sa pagpakiggubat, kinsa Siya sumala sa paghulagway ni apostol Juan?
Tubag:
    Bugna 19:11, 15, 16 - Mao ang ginanganlan Matinumanon ug Maminatud-on; ug sa pagkamatarung nagahukom ug nagapanggubat, panigbason niya ang kanasuran.

Pangutana
#435. Kay mao man si Ginoong Jesus, ngano nga didto man gayud sa bukid sa mga Olivo Siya motindog inigbalik Niya?
Tubag:
    Buhat 1:10-12 - Kay dinhi man pud nga bukid Siya gibayaw ug mao pud ang gisaad sa manulonda nga sa maong pagkaagi mobalik siya.

Pangutana
#436. Kining Jehova nga Dios nga mobalik nga mao si Cristo, mao ba kini ang ilang gipalagbasan o ` gidughang kaniadto sa nahauna Niyang pag-anhi?
Tubag:
    Zacarias 12:10 - Oo, siya usab ang bugtong Anak nga gipalagbasan

Pangutana
#437. Sa evangelio ni San Juan, sa mikutlo siya niini nga tagna, kinsa ang iyang gipasabut?
Tubag:
    Juan 19:34, 37 - Midughang sa iyang kilid, Pagatan-awon nila ang ilang gidughang. 

Pangutana
#438. Ang tanan ba nga Jehova nga mabasa sa Daang Tugon nagreferedo kang Cristo?
Tubag:
    Salmo 110:1 - Dili. Kadto lang nagalingkod tapad sa Amahan

PAGPAHAYAG:
    Ang namulong dinhi mao si Jehova nga Amahan. Ang Ginoo nga molingkod sa toong kamot ni Jehova mao si Cristo.

Pangutana
#439. Unsaon nato pagsiguro nga kini nga tagna ang molingkod sa toong kamot ni Jehova mao si Cristo?
Tubag:
    Marcos 16:19 - kay gipamatud

Pangutana
#440. Si apostol Pablo nga nakadawat sa iyang mga pagtolon-an nga gikan kang Ginoong Jesus (Galacia 1:12),mipamatoud ba gayud siya niini?
Tubag:
    Colosas 3:1 - Nagalingkod sa toong kamot sa Dios. 

PAGPAHAYAG:
    Sumala sa napahayag nga mga texto niini nga pagtoon, adunay duha ka Jehova. Ang usa mao ang Dios nga Amahan ug ang usa, mao ang Anak.

Pangutana
#441. Mao ba usab ang panghunahuna ni Jeremias nga adunay duha ka Jehova?
Tubag:
    Jeremias 23:5, 6 - Oo, adunay sanga, ug tawgon Jehova.

PAGPAHAYAG:
    Dinhi si Jeremias nga manalagna magsulat mahitungod sa: “usa ka matarung nga Sanga” ug ang ngalan nga igatawag kaniya, “Jehova” lang usab gihapon. Kini walay lain, mao gayud si Ginoong Jesus. (Jeremias 33:14-16; Zacarias 2:8). Kining pagkatawohan nga alagad nga mao ang “Sanga” gihisgutan usab ni manalagna Isaias. 

Pangutana
#442. Nagkatakdo ba sa ilang mga panghunahuna ni Propeta Isaias ug Jeremias, kabahin sa 2 ka Jehova?
Tubag:
     - Oo, kay adunay nagauna. ug dunay Dios sa Israel

Pangutana
#443. Ingon nga nag-una man si Jehova, ang nagapalikod nga Dios sa Israel gitawag ba gihapon nga Jehova?
Tubag:
    Isaias 48:2 - Si Jehova mao ang iyang ngalan

Pangutana
#444. Giunsa pagpahayag ni apostol Pablo mahitungod sa nagapatalikod o nagasunod nga Dios?
Tubag:
    1 Corinto 10:4 - Kay nanginom sila gikan sa usa ka bato nga espirituhanon nga nagsunod kanila ug ang bato mao si Cristo.

PAGPAHAYAG:
    Dinhi niini nga pagtoon atong nahibaloan nga ang Dios nga Amahan walay bisan kinsang tawo nga nakakita. Busa ang Jehova nga Dios nga nakita mao kadtong pagkatawo (Mateo 1:23). Mao kini kadtong mihukas sa Iyang pagka Dios (Filipos 2:6,7). Mao kini kadtong Dios nga giingnan sa Amahan nga: “Ang Imong trono o, Dios” hangtud sa kahangturan (Hebreohanon 1:8). Tungod niini, matumbok nato nga ang pagkadios duha ka persona. Sama sa pagkamanagtiayon. Bana ug asawa, duha sila ka persona apan nahiusa sila sa kaminyoon giisip kini nga usa na lamang ka unod, bisan toud duha sila (Mateo 19:5). Ang bugtong Dios nga Amahan ug ang bugtong nga Anak nahiusa usab sila diha sa pagkadios. Bisan tuod ug miingon ang Amahan; “Buhaton nato ang tawo sama sa atong dagway” (Genesis 1:26), giisip kini ngadto usa ka Dios. (Malaquias 2:10) 

Pangutana
#445. Nganong makaingon man kita nga duha sila ka persona apan isa sa pagkadios?
Tubag:
    Juan 17:5 - kay si Cristo nakig-estorya sa Iyang Amahan pinaagi sa iyang pag-ampo.