Mga paganong pagsimba ug pagsaulog

    Ang atong kapanahonan karon, daghan sa mga nanag-angkon nga mga Cristohanon apan nanagpadayon gihapon sa pagsaulog sa mga paganong mga FIESTA. Sa Daang Tugon, ang mga katawohan sa Dios nagsunod gihapon sa mga tinohoan sa mga Pagano, ug ang Ginoo nasuko niini. Niining atong kapanahon karon, susama usab sa nabuhat sa katawohang Israel. Ang pagsaulog ug mga adlaw nga may relihiyosong pagpahanungod sama sa: Christmas, pagbantay sa adlawng Domingo, kalag-kalag, mga fiesta ug uban pa, gisalikway sa Balaang Kasulatan.

MGA PANGUTANA

Pangutana
#499. Unsa ang pasidaan sa Ginoo sa iyang katawohan?
Tubag:
    Jeremias 10:1, 2 - Ayaw pagtoon sa batasan sa mga nasud.
    Deutronomio 11:29, 30, 32 - Nga igabutang mo ang panalangin sa ibabaw sa bukid sa Gerisim ug ang tunglo sa ibabaw sa bukid sa Ebal. 

Pangutana
#500. Kay dili man sila paton-on sa batasan sa mga nasud, unsa man diay ang ginahimo sa mga nasud?
Tubag:
    Deutronomio 18:14 - Nanagpatalinghug sa mga nanagpanagna ug mga Diwatahan. 

Pangutana
#501. Dinhi sa Bag-ong Tugon, pananglit adunay mga Gentil o pagano nga motoo sa Maayong Balita ni Cristo, angayan ba nilang padayonon ang ilang nabatasan kanhi?
Tubag:
    1 Pedro 4:3 - Igo na ang miaging panahon nga gituman alang sa kabubut-on sa mga Gentil.
    Galacia 4:8-9 - Dili na magpaulipon sa kinaiya sa mga dili dios ug sa ilang kagawian

Pangutana
#502. Unsa man kadtong mga pagkaulipon nga gibantayan nila sa wala pa sila makaila sa Dios?
Tubag:
    Galacia 4:10 - Mga adlaw, ug ang mga bulan, ug ang mga panahon, ug ang mga tuig. 

Pangutana
#503. Sa mga taga-Colosas, unsa usab ang ilang nabatasan sa wala pa sila sa Ginoo?
Tubag:
    Colosas 3:5-7 - Nagasimba sila ug mga dios-dios ug uban pa 

Pangutana
#504. Gawas niini, unsa pa ang ilang mga pagtulon-an sa nagkinabuhi pa sila nga wala sa Ginoo?
Tubag:
    Colosas 2:16 - kalan-on, ilimnon, fiesta, bag-ong bulan, adlawng Igpapahulay 

Pangutana
#505. Kung maanaa na sila sa Ginoo, unsa na ang dili angay buhaton?
Tubag:
    Colosas 2:20 - Mga bata nga pagtulon-an, nagapasakop kamo sa inyong kaugalingon sa mga tulomanon. 

Pangutana
#506. Busa, unsa man ang gitambag ni Pablo niining tagaColosas nga mga Gentil nga nanagtoo na sa Ginoo?
Tubag:
    Colosas 2:8 - Magmatngon sa mga gikabilin-bilin nga mga sugilanon sa mga tawo

PAGTAPUS:
    Ang matag nasud nagkalain-lain ang mga batasan ug mga tinohoan: Ang taga-Colosas aduna silay paagi sa pagsimba sa manolonda. (Colosas 2:18). May kasugoan usab sila nga: “Ayaw pagkupti; ayaw pagtilawi, ayaw paghikapa” kini sila gitawag ni apostol Pablo nga” tawohanong kalagdaan ug tolohan” (Bers. 22). Kini nga tolohoan “adunay dagway sa kaalam diha kinaugalingong pagtuman sa pagsimba, ug sa kinabubut-ong pagpulo-pahiubos, ug pagsakit sa lawas” Kining mga butanga walay kapuslanan, ug pagtagbaw lamang sa unod - (Colosas 2:23)