Panghimalad, anting-anting ug pagsalamangka

    Ang mga panid sa mga magasin o mantalaan karon, bisan sa mga internet, atong makita ang mga horoscope nga gibutang aron sa tuyo nga mokusog pa ang halin sa maong mga basahon. Kini nagpaila nga daghang mga tawo ang mopalit alang niini aron pagtan-aw sa ilang kaugmaon kung maayo ba o dautan. Kining matanga sa batasan dili kini bag-o. Daan nang gihisgutan sa Biblia sa Daang Tugon. Unsa ang gisulti sa Dios bahin niini?

MGA PANGUTANA

Pangutana
#488. Kasagaran asa moadto ang tawo sumala ni propeta Isaias?
Tubag:
    Isaias 8:19 - Sa mga espiritista ug mga salamangkiro.

Pangutana
#489. Unsa ang gisulti sa Dios mahitungod niini?
Tubag:
    Levitico 19:31 - Mahugawan kita kon mangadto kita sa espiritista, ug sa mga salamangkero. 

Pangutana
#490. Kay maisip man nga mahugawan kita, kung pananglit mosunod kita niini ug moadto sa mga espiritista, Unsa pa ang gisulti sa Ginoo?
Tubag:
    Levitico 20:6 - pagaputlon ang kalag taliwala sa katawhan

Pangutana
#491. Kay putlon man taliwala sa katawohan ang magasunod niini, kadto usab nga nagabuhat, unsa man usab ang silot?
Tubag:
    Levitico 20:27 - Pagapatyon sila ug pagabatoon.

PAGPAHAYAG: 
    Dinhi atong mahibaloan kung unsa ka estrikto ang Dios bahin niini sa kapanahonan ni Moises sa Daang Tugon. 

Pangutana
#492. Giunsa pag-ila o pag-isip niini sa Ginoo kining bulohatona, ug unsa usab kining butanga?
Tubag:
    Deutronomio 18:10-12 - Dulumtanan alang kang Jehova ang bisan kinsa nga magabuhat niining mga butanga.

Pangutana
#493. Dinhi sa Bag-ong Tugon, Unsay makalimbong sa tawo sa Dios?
Tubag:
    I Timoteo 4:1, 2 - Nga nagapatalinghug sa mga limbongan nga espiritu, ug sa mga pagtolon-an sa mga yawa.

Pangutana
#494. Kay nagtagad man sa mga limbongan nga espiritu, nagbaton ba usab kini sa dagway sa pagka-diosnon?
Tubag:
    2 Timoteo 3:5 - Oo, nagabaton kini sila

PAGPAHAYAG:
    Tungod lagi kay makita man nga may dagway sa pagkadiosnon, malingla ang tawo. Dili sila makabantay niini

Pangutana
#495. Ang nagabuhat sa mangil-ad, modoul ba siya sa kahayag?
Tubag:
    Juan 3:20 - Dili magadoul sa kahayag.

Pangutana
#496. Nabuhat ba kini sa mga taga-Efeso kaniadto?
Tubag:
    Buhat 19:18 - Oo, sa dihang mingtoo na sila, ilang gisugid ang ilang mga gibuhat kaniadto.

Pangutana
#497. Kay mingtoo man sila sa Maayong Balita nahinugon ba sila sa bili sa ilang kahimanan ug mga basahon alang sa pagpanglamat o pagsalamangka?
Tubag:
    Buhat 19:19, 20 - Wala sila nahinugon ug ilang gipangsunog 

Pangutana
#498. Asa ang destinasyon sa mga nanagpadayon sa pagbuhat niini?
Tubag:
    Bugna 21:8 - Mabahinan sila didto sa linaw, nga nagadilaab sa kalayo sa azufre.

PAGTAPOS:
    Busa ang tawo sa Dios maglikay sa mga pagsalamangka, panghimalad, ug sa mga espiritista kay kini dulumtanan gayud