Unsa ang pulong “paghinulsol?”

    Gipalanog ang pulong “paghinulsol” sa mga magwawali sa mga nagkalainlaing pundok sa mga tinohoan. Asa man ang tawo mohinulsol ug unsa may kahulugan niini?  Ang tawo nga nagapadayon sa paglapas sa Kasugoan sa Dios, kana ba nga tawo nakahinulsol? Kadaghanan wala makaalinggat niini.

    Nagtoo sila nga ang pagdawat kang Cristo mao ang dili na pagtuman sa Napulo ka Mga Sugo?  kay kon mutuman kita nailalum na kita sa tunglo? Unsa may gitudlo sa mga apostoles mahitungod niini?

    Ang kahulugan sa Paghinulsol mao: “Ang desisyon sa hunahuna nga moresulta sa dakung kausaban sa buhat”

Alang sa dugang pagtoon, ang basahon nga nag-ulohan: “Gitapos ba ni Cristo ang Napulo ka Mga Sugo?” 

MGA PANGUTANA

Pangutana
#62. Sa Bag-ong Tugon kinsa ang unang nagwali mahitungod sa paghinulsol?
Tubag:
    Mateo 3:1, 2 (Revised) - Si Juan Bautista.

Pangutana
#63. Kinsa ang misunod sa pagwali mahitungod sa paghinulsol?
Tubag:
    Mateo 4:17 - Si Ginoong Jesus.

Pangutana
#64. Sa natawag na ni Ginoong Jesus ang napulog duha ka mga tinon-an, unsa ang ilang giwali?
Tubag:
    Marcos 6:12 - Nga maghinulsol ang tanang tawo.

Pangutana
#65. Kining pagwali nga kinahanglan nga ang tawo maghinulsol, alang ba lamang kini sa mga pumuluyo sa Jerusalem?
Tubag:
    Lucas 24:47 - Dili. Kay alang kini sa tanang mga nasud.

Pangutana
#66. Sa mipadulong na ang Maayong Balita ngadto sa mga Gentil, unsa ang nakita ni apostol Pablo nga kinahanglan hinulsolan nila?
Tubag:
    Buhat 14:11-15 - Maghinulsol sila gikan sa tanang kabuangan ug MAMALIK ngadto sa Dios nga Buhi.

Pangutana
#67. Si Cornelio nga usa ka Gentil, nganong wala man walihi ni Pedro nga maglikay o dili magsimba sa mga dios-dios.
Tubag:
    Buhat 10:1, 2 - Maampoon ug mahadlokon sa Dios uban ang tibook niyang panimalay.

Pangutana
#68. Unsa man lang diay ang nakulang diha sa pagsimba ni Cornelio?
Tubag:
    Buhat 10:38,42,43 - Ang pagkadungog sa Maayong Balita mahitungod kang Jesus ug sa pagdawat Kaniya.

Pangutana
#69. Si apostol Pedro nga nagbautismo nila ni Cornelio, asa man nga pundok siya nahisakop?
Tubag:
    Buhat 8:1 - Iglesia nga didto sa Jerusalem.

Pangutana
#70. Kay gilutos man ni Saulo ang Iglesia nga didto sa Jerusalem diin sila usab si apostol Pedro nahisakop, Unsay ngalan niadto nga Iglesia?
Tubag: 
    Galacia 1:13 - Iglesia sa Dios.

PAGPAHAYAG:
    Busa bisag masimbahon na sa Dios si Cornelio, gikinahanglan nga mabautismohan sa Ngalan ni Ginoong Jesus ug igadugang diha sa matoud nga Iglesia sa Dios. Mao kini ang gisugo ug gitugon kanila nga pagabuhaton sa pagbautismo pinaagi sa ngalan ni Ginoong  Jesus Ang motoo sa matoud nga Jesus nga alang sa pagpasaylo sa mga sala.

Pangutana
#71. Ang tawo nga nag-angkon nga Cristohanon usab, samtang wala mahisakop sa pundok o Iglesia nga gipalit sa Dugo ni Cristo, nakabaton ba sa kapasayloan sa mga sala?
Tubag:
    Hebreohanon 9:22 - Gawas sa pag-ula sa dugo walay pagpasaylo.

Pangutana
#72. Ang tanan bang pundok sa tinohoan gitubos ni Cristo sa Iyang kaugalingong dugo?
Tubag:
    Buhat 20:28 - Iglesia sa Dios

Pangutana
#73. Sa didto si apostol Pablo sa Atenas, unsa ang iyang nakita nga maoy makapahagit kaniya nga gikinahanglan mawalihan sila?
Tubag:
    Buhat 17:16 - Ang ciudad napuno sa mga larawan.

Pangutana
#74. Sinsero ba sila niini nga paagi sa pagsimba?
Tubag:
    Buhat 17:22 - Oo, kay sa tanang mga butang sila mainampoon gayud.

Pangutana
#75. Tungod kay masimbahon o sinsero na man sila sa ilang gitohoan, wala na lang ba koreksyoni ni Pablo ang ilang pamaagi sa pagsimba?
Tubag:
    Buhat 17:29 - Ingon si Pablo kanila “Dili angay nga maghunahuna kita nga ang pagkadios sama sa bulawan, kon salapi, kon bato, nga kinulit.”

Pangutana
#76. Ingon nga giwali ni Juan Bautista ang paghinulsol, Unsa ang gikinahanglan diha niini?
Tubag:
    Lucas 3:8 (unang bahin) - Busa managhatag kamo ug mga bunga nga takus sa paghinulsol.

Pangutana

#77. Sa nagpadayon siya sa pagwali ug nagpahamatngon ngadto sa mga tawo, Unsa ang iyang giwali ngadto kang Herodes?

Tubag: 

    Lucas 3:19 - Tungod kang Herodias, asawa ni Felipe nga iyang igsoon. Tanang mga mangil-ad nga nabuhat ni Herodes.

PAGPAHAYAG: 

    Atong nahibaloan nga gikan diay sa paglapas sa Napulo ka Mga Sugo diha ang tawo pahinulsolon. Ang pagbuhat ug pagsimbag mga diosdios gikinahanglan niini nga ang tawo maghinulsol. 

    Mao usab ang gisulti ni Ginoong Jesus sa babaye nga hingabtan sa pagpanapaw: “Lumakaw ka, ug sukad karon ayaw nga gayud pagpakasala pag-usab” (Juan 8:11). Kini nagpasabut nga maghinulsol na siya. Ang pulong paghinulsol mao ang dili na pagbuhat pag-usab sa pagpakasala 

nga supak sa Napulo ka Mga Sugo (1 Juan 3:4).

Pangutana 
#78. Karon kay ang tema sa mensahe sa paghinulsol gibasi man sa nahasulat sa Napulo ka Mga Sugo, ang magalapas bisan usa niini Unsa man?

Tubag:
    Jacobo 2:10,1 - Kon makasala siya sa usa ka bahin, magamalapason siya sa tanan. Nahimo ka nga malapason sa Kasugoan.

PAGPAHAYAG: 

    Ang gipasabut ni Jacobo mao ang Napulo ka Mga Sugo. Kini atong mahibaloan tungod kay mikutlo siya niini. Ang tawo nga makalapas sa usa niini, mahimong malinapason sa tanan. Nagpasabut nga nakasala o nakalapas gihapon. Busa walihan gihapon sa paghinulsol ang mga nanag-ingon nga sila usa na ka Cristohanon. Pahinulsolon sila gikan sa paglapas sa Adlawng Igpapahulay. Gikinahanglan niini nga pabiyaon sila sa pagsimba sa adlawng Domingo (Sunday).

Pangutana

#79. Sa Daang Tugon aduna bay mga tawo nga ang gisimba mao ang adlaw?

Tubag:
    Ezequiel 8:16 - Oo, “ug sila nanagsimba sa adlaw nga nanag-atubang sa silangan.”

PAGPAHAYAG:
    Dinhi atong makita nga ang mga tawo nagsimba sa adlaw. Sa ulahi, sumala sa mga kasaysayan kining ilang pagsimba sa adlaw nahapanungod na sa adlaw (Sun’s day kun Sunday).