Unsay kinahanglan ko nga pagabuhaton aron maluwas?

    Mao kini ang pagpakisayud sa usa ka tawo nga bout maluwas. Kini siya usa ka magbalantay sa bilanggoan. Ang binilanggo nga sila si Pablo ug Silas maoy nagbautismo kaniya ug sa tibook niyang panimalay. Unsa ang mga gisulti kon gitudlo nila ni Pablo nganong nagpabautismo man dayon siya niadtong gabhiona? Sunda ang mga “Pangutana ug Tubag” aron imong mahibaloan nga ang tawo  nagkinahanglan ug kaluwasan dili magalangan.

MGA PANGUTANA

Pangutana
#48. Sa dihang nangutana ang magbalantay sa bilanggoan kong unsa ang angay niyang buhaton aron mamaluwas, unsa ang tubag nila ni Pablo?
Tubag:
    Buhat 16:31 - Tumoo ka sa Ginoong Jesus Cristo.

Pangutana
#49. Karon kay gikinahanglan man nga motoo siya sa Ginoong Jesus, unsa man ang angay nga masayran niining tawohana?
Tubag:
    Buhat 16:32 - Ang Pulong sa Ginoo

PAGPAHAYAG:
    Dinhi moabut ang tanghaga. Unsa kaha nga mga tema ang gisulti nila ni Pablo? Gihurot kaha nila ni apostol Pablo pagtudlo ang tanang doctrina nga anaa sa Biblia?....

    Nganong nabautismohan man dayon siya kauban sa iyang tibook panimalay nianang maong takna sa kagabhion?  Padayona pagsunod ang sunod nga pangutana ngadto sa katapusan aron sa pagtubag sa mga pangutana nga ania niini nga pagpahayag.

Pangutana
#50. Ingon nga “pulong sa Dios” mao may gisaysay nila ni Pablo, Nagawali ba usab silang Apostol Pablo kabahin sa Pulong sa Dios?
Tubag:
    Buhat 13:46 - Oo, ilang gimantala ang Pulong sa Dios

PAGPAHAYAG: 
    Dinhi atong mahatagan ug pagpamalandong kung ngano nga ang mga Judio mingsalikway sa diha nga sila si Pablo nanudlo bahin niini.

Pangutana
#51. Ang “pulong sa Dios” nga giwali nila ni Pablo ngadto sa mga Judio, kay ila na man nga gisalikway, asa man dayon sila miadto?
Tubag:
    Buhat 13:46 (katapusang bahin) - Miadto sa mga Gentil

Pangutana
#52. Karon kay miadto na man sila sa mga Gentil, ang “pulong sa Dios,” gidawat ba?
Tubag:
    Buhat 13:48 - Nangalipay sila, ug gihimaya nila ang “pulong sa Dios”

Pangutana
#53. Niining maong pagdawat sa mga Gentil nga gipili nang daan alang sa kinabuhing dayon, unsa ang resulta niini?
Tubag:
    Buhat 13:49 - Ang ‘Pulong sa Ginoo’ nasangyaw sa tibook nga kayutaan.

Pangutana
#53. Sa dihang ginasangyaw nila kining “pulong sa Dios” unsa ang gibuhat usab sa mga Judio
Tubag:
    Buhat 13:50 - nagpalihok sila ug usa ka paglutos batok kang Pablo, ug kang Bernabe.

Pangutana
#54. Kining “pulong sa Dios” giwali ba usab didto sa Jerusalem?
Tubag:
    Buhat 6:7 - Oo, kay mikaylap ang ‘pulong sa Dios;’ ug ang gidaghanon sa mga tinon-an misanay sa hilabihan gayud sa Jerusalem.

Pangutana
#55. Gisangyaw ba usab kini didto sa Samaria?
Tubag:
    Buhat 8:14 - Midawat ang Samaria sa ‘pulong sa Dios.’

Pangutana
#56. Ingon nga kining “pulong sa Dios” nga ilang ginasangyaw gikaligutgutan man pag-ayo sa mga Judio; unsa man diay ang sulod niini?
Tubag:
    Buhat 17:2,3 - Si Cristo mag-antus, ug mabanhaw pag-usab gikan sa mga minatay.

Pangutana
#57. Unsa ang reaksyon sa mga Judio sa ilang nadunggan ang “pulong sa Dios”  kabahin kang Ginoong Jesus?
Tubag:
    Buhat 18:5, 6 - Misupak sila gayud ug nagpasipala.

Pangutana
#58. Gawas niining pagkamatay ug pagkabanhaw ni Ginoong Jesus. Unsa pa ang gikinahanglan nga itudlo ngadto sa mga Gentil?
Tubag:
    I  Corinto 10:14 - Ang pagpangalagiw gikan sa pagsimba sa mga dios-dios.

PAGPAHAYAG:
    Ang pagsangyaw kaniadto ug karon susama ra. Maglisud ang tawo sa pagtoo sa tinoud. Ang uban nahimo na silang Cristohanon apan  nagsimba gihapon sa mga diosdios. 

    Ang uban sad nagsigi lang gihapon sa paglapas sa adlaw nga igpapahualay. Busa gikinahanglan nga motalikod sila gikan niini, ug mopaingon ngadto sa kamatouran.

Pangutana
#59. Busa aron mapasaylo, Unsa ang angay nga buhaton?
Tubag:
    Buhat 17:30 - Maghinulsol (kon modesisyon)

Pangutana
#60. Aron makabaton sa kapasayloan sa sala, Unsa ang katarungan ngano nga sa ngalan man gayud ni “Ginoong Jesus” ang ibautismo?
Tubag:
    Buhat 4:12 - Walay lain nga ngalan sa ilalum sa langit, nga nahatag sa taliwala sa mga tawo.

PAGPAHAYAG:
    Karon atong nahibaloan nga ang tawo kinahanglan nga motoo siya sa Ginoong Jesus. Ang Iyang pagpakamatay naghatag ug dalan nga ang makasasala may agianan na sa pagdoul ngadto sa Dios.

    Maghinulsol ug magpabautismo aron mapasaylo ang mga sala. Apan asa man siya nga pundok magpabautismo?