Usa lamang ang matoud nga iglesia

    Sa atong kapanahonan, isigtukod ang mga tawo ug mga pundok, inay magpasakop unta sa pundok o Iglesia nga tinukod sa Ginoo. Sa pagkakaplag sa tawo sa pulong sa Biblia nga makita niya nga makapangatarungan siya, gihimong ngalan sa pundok ang nakaplagan nga pulong. Kong ugaling nahisakop ka man sa maong mga pundok, gikinahanglan nga ipasakop, o mahisakop ka gayud sa pundok nga tinukod sa Ginoo.

MGA PANGUTANA

Pangutana
#150. Pila ka Iglesia ang gitagna nga itukod ni Ginoo?
Tubag:
    Mateo 16:18 (Revised) - isa lamang kay Siya nag-ingon “Akong” iglesia.

Pangutana
#151. Ang pagtukod sa Iglesia, Iya ba ni Cristo kadto nga pagbout?
Tubag:
    Juan 6:38 - Dili, kay gisugo lamang Siya sa Amahan.
    Juan 8:42 - wala Siya moanhi sa Iyang kaugalingon lamang.

Pangutana
#152. Kay usa ra man ka bouk ang Iglesia nga gitukod ug ingon nga sinugo man lamang Siya sa Amahan, Asa man kini gipanig-ingon?
Tubag:
    I Corinto 12:12 - sa usa lamang ka lawas.

Pang:
#153. Kay gipaning-ingon man sa usa ka lawas sa tawo, nga adunay daghang mga bahin, kinsa ang nagpahimutang niini?
Tubag:
    I Corinto 12:27,28 - Gibutang sa Dios sa Iglesia.

Pangutana
#154. Ngano nga ang Dios mao may nagpahimutang?
Tubag:
    II Timoteo 2:19 - Kay ang Ginoo nakaila kanila nga mga iya.

Pangutana
#155. Magpatalinghug ba sa Iyang pulong ang dili iyaha?
Tubag:
    Juan 10:27 - Akong mga carnero nagapatalinghug sa akong  tingog.

Pangutana

#156. Kay ang magpatalinghug mao man ang Iyang mga carnero, sa dihang gitawag si Pablo nagmasinulondon ba siya?

Tubag: 

    Buhat 26:19 - Oo. Wala siya makiglalis sa langitnong tawag

Pangutana
#157. Ingon nga siya nagmasinulondon tungod kay carnero man gayud siya sa Ginoo, kinsa ang gipadala aron mobautismo kaniya?

Tubag: 
    Buhat 22:12,13,16 - Si Ananias.

Pangutana
#158. Ingon nga nagpabautismo man siya, mao ba kini ang paagi aron mahimo siyang bahin sa usa ka lawas kon Iglesia?

Tubag: 
    I Corinto 12:13 - Oo, kay kitang tanan gibautismohan para mausa sa lawas.

Pangutana
#159. Unsa ang katungdanan nga nadawat ni Pablo diha sa maong Iglesia diin siya nahimong bahin niini?

Tubag: 

    I Timoteo 2:7 - Gitudlo siya nga magwawali ug apostol, usa ka magtutudlo sa mga Gentil.

Pangutana

#160. Kay gitudlo man siyang magwawali ug apostol sa wala pa siya pagtawga sa Ginoo, unsa nga Iglesia nga kanhi iyang gilutos?

Tubag:
    Buhat 8:1 - Ang iglesia nga didto sa Jerusalem.

Pangutana
#161. Kadtong Iglesia nga didto sa Jerusalem nga Iyang gilutos, unsa ang ngalan niadto nga Iglesia?

Tubag:
    I Corinto 15:9 - Ginatawag kadto ug “Iglesia sa Dios”

Pangutana
#162. Sa kaniadto nga iyang gilutos kini nga Iglesia asa pa man siya nahisakop nga pudok sa tinohoan?

Tubag: 
    Galacia 1:13 - Sa tinohoan sa mga Judio.

PAGPAHAYAG: 

    Ang tinohoan nga nagbantay sa mga sugo gikinahanglan gihapon nga mahisakop sa Iglesia sama kang apostol Pablo (Buhat 24:14). Kana kung siya carnero sa Ginoo.

Pangutana

#163. Kay gilutos man niya ang Iglesia sa Dios sa panahon nga anaa pa siya sa tinohoan sa mga Judio, sa gitawag na siya kinsa naman ang iyang giwali?

Tubag: 

    Buhat 17:2, 3 - Si Jesus na ang ginamantala ni Pablo

Pangutana

#164. Kining Cristo nga iyang giwali, Unsa ang iyang katungdanan diha sa Iglesia?

Tubag: 

    Efeso 5:23 - Mao ang ulo ug Manluluwas sa Iglesia

Pangutana

#165. Kay Ulo ug Manluluwas man Siya niini nga Iglesia, ang Ulo (Cristo) lang ba mao ang giwali ni apostol Pablo?

Tubag: 

    Galacia 1:23 - Giwali niya ang pagtoo sa kanhi iyang gilaglag

 

PAGPAHAYAG:

    Dinhi niini atong mahibaloan nga dili lamang ang Ulo sa Iglesia ang iyang giwali, kondili apil usab niini ang lawas ni Cristo nga mao ang Iglesia nga kanhi iyang gilutos.

Pangutana
#166 Kay giwali man niya ang Iglesia, ang Gentil nga makabig magtukod bag laing pundok, o mahimo silang bahin sa Iglesia nga giwali ni Pablo?
Tubag:
    Efeso 3:6 - Dili sila magtukod ug lain, kay masigkauban na.

Pangutana

#167. Kay mga bahin ra man sila sa usa ka lawas, unsa kining usa ka lawas nga gipasabut ni apostol Pablo?

Tubag: 

    Colosas 1:24 - Kini mao ang “Iglesia.”

PAHAYAG:

    Karon atong mahibaloan nga ang lawas ni Cristo mao ang Iglesia. Kini nga lawas o Iglesia mao ang gisulat ni Pablo ngadto sa mga taga-Efeso (Efeso 5:23). Ang ngalan niini mao ang Iglesia sa Dios (Buhat 20:17,18,28).

Pangutana

#168. Kining mga anciano nga didto sa Efeso nga gimaymayan ni apostol Pablo nga diin sila nahimong magtatan-aw sa Iglesia sa Dios, pinaagi ba niini ikapaila ang nagkalainlaing mga kinaadman ug tuyo sa Dios?

Tubag: 

    Efeso 3:10, 11 - Oo, pinaagi sa Iglesia.

Pangutana

#169. Kay pinaagi man gayud sa Iglesia ikapaila ang nagkalainlaing kinaadman ug tuyo sa Dios, aron matuman kini, giunsa pagpahayag ni apostol Pablo niini ngadto sa mga taga-Corinto?

Tubag: 

    I Corinto 12:4-11 - May nagakalainlaing mga hiyas, may nagkalainlaing mga pag-alagad, may nagakalainlaing mga bulohaton, ang pagpahayag sa Espiritu ginahatag sa tagsa-tagsa nga kapuslanan, pulong sa kaalam, ang pulong sa kahibalo, hiyas sa pagpang-ayo, ang gahum sa pagbuhat ug katingalahan, ang pagtagna, ang pag-ila sa mga espiritu, ang paghubag sa mga pinulungan.

PAGPAHAYAG: 
    Dinhi gipasabut ni apostol Pablo nga kining  nagkalainlaing mga hiyas, mga pag-alagad, bulohaton, ug uban pa, diha kini magabuhat sa usa ka lawas o Iglesia (1 Corinto 12:20). Kini mao ang Iglesia diin si Pablo nahimong apostol. (1 Corinto 1:1,2).